திக்திக்.. "எமோஷன்" ஆன கோலி.. வைட் விட்ட அஸ்வின்.. டிரெண்டாகும் பாகிஸ்தான் - இந்தியா மேட்ச் மீம்ஸ்!

சிட்னி: பாகிஸ்தானுக்கு எதிரான முதல் போட்டியில் இந்திய அணி வென்றதை வைத்து பலரும் மீம்ஸ் போட்டு வருகின்றனர்.

இந்தியா பாகிஸ்தான் இடையிலான டி 20 உலகக் கோப்பை போட்டி இன்று நடந்து வருகிறது. இதில் டாஸ் வென்ற இந்திய அணி பவுலிங் தேர்வு செய்தது. இதையடுத்து முதலில் களமிறங்கிய பாகிஸ்தான் அணி 20 ஓவரில் 8 விக்கெட் இழப்பிற்கு 159 ரன்கள் எடுத்தது.

இதில் மேட்ச் கடைசி ஓவர் வரை விறுவிறுப்பாக சென்றது. கடைசி பந்தில் அஸ்வின் பவுண்டரி அடிக்க இந்தியா வென்றது. 53 பந்தில் 4 சிக்ஸ், 6 பவுண்டரி என்று கோலி அடித்த 82 ரன்கள் இந்திய அணியின் வெற்றிக்கு காரணமாக இருந்தது.

அஸ்வின்

இன்று மேட்சில் அஸ்வின் கடைசியில் விட்ட வைட் மிகவும் வைரலாகி வருகிறது. கடைசி 2 பந்தில் 2 ரன்கள் தேவை என்ற நிலையில் தினேஷ் கார்த்திக் அவுட் ஆவார். அதன்பின் கடைசி பந்தில் இரண்டு ரன்கள் தேவை என்ற நேரத்தில் அஸ்வின் வைட் விடுவார். மிகவும் சமயோஜிதமாக யோசித்து அஸ்வின் வைட் விடுவார். இது இந்திய அணியின் வெற்றிக்கு மிக முக்கியமான காரணமாக அமைந்தது. இதை வைத்து பலரும் மீம்ஸ் போட்டு வருகின்றனர்.

கடைசி ஓவர்

இந்த போட்டி கடைசி ஓவர் வரை விறுவிறுப்பாக சென்றது. கடைசி ஓவரில் பல திருப்பங்கள் நடந்தன.

1st - Out
2nd - 1run
3rd - 2run Kohli
4th - no ball + 6
4th - wide
5th - 3runs
5th - wicket
6th - 1run
6th - 1run

என்று கடைசி ஓவரில் பல திருப்பங்கள் நடந்தன. இதை வைத்து என்னடா நடக்குது இங்க என்று பலரும் மீம்ஸ் போட்டு வருகின்றனர்.

மீம்ஸ்

காயத்தில் இருந்து மீண்டு வந்த ஷகீன் அப்ரிடி இன்று சரியாக பவுலிங் செய்யவில்லை. 4 ஓவர் வீசிய அவர் 1 விக்கெட் கூட எடுக்கவில்லை. அவர் மொத்தம் 34 ரன்கள் கொடுத்தார். முக்கியமாக இவரின் ஓவரில் கோலி சிறப்பாக ஆடினார். இதை வைத்தும் பலர் மீம்ஸ் போட்டு வருகின்றனர்.

ராகுல்

இன்று இந்திய அணி வென்றாலும் கே. எல் ராகுல் சொதப்பியதை மறக்க முடியாது. 4 ரன்கள் மட்டுமே எடுத்து அவர் அவுட் ஆனார். கடந்த 2 வருடங்களாக அவர் சரியாக ஆடுவது இல்லை. முக்கியமாக ஐசிசி போட்டிகளில் அவர் மோசமாக சொதப்பி வருகிறார். அவர் இப்படி சொதப்புவதை பலரும் கிண்டல் செய்து வருகின்றனர். இதை வைத்தும் இன்று பல மீம்ஸ் போடப்பட்டன.

கோலி

இன்று மேட்ச் வெற்றிக்கு பின் ரோஹித் கோலியை தூக்கி சுற்றினார். கோலி கண்களிலும் லேசாக கண்ணீர் போல் திரண்டு நின்றது. அதேபோல் ஹர்திக் பாண்டியா எமோஷனலா இருந்தார். இதை வைத்துதான் பலரும் இன்று மீம்ஸ் போட்டு வருகின்றனர். எமோஷனலாக இந்த போட்டி முக்கியமானது என்று மீம்ஸ் போட்டு வருகின்றனர்.

English summary

T20 World Cup: Memes on Team India winning the match against Pakistan.