எப்போ ஒரு ஆண் நடுராத்திரி லேட்டா வந்து.. ‘ஆமா அப்டிதான் வருவேன்னு சொல்றானோ’.. அதுதான் சுதந்திரதினம்!
சென்னை: மீமர்கள் எப்படி ஒவ்வொரு கலாய்க்கும் என தனித்தனியே ஸ்பெஷல் மீம்ஸ் டெம்ப்ளேட்டுகளை வைத்திருக்கிறார்களோ, அதைப் போலவே சேனல்களும் ஒவ்வொரு பண்டிகைக்கும் என சில ஸ்பெஷல் திரைப்படங்களை ரிசர்வ் செய்து வைத்துள்ளனர். அந்தவகையில் சுதந்திர தினத்தையொட்டி டிவிக்களில் போடப்படும் அர்ஜுன் மற்றும் விஜயகாந்த் படங்களை வைத்து நகைச்சுவையான மீம்ஸ்களைப் பகிர்ந்து வருகின்றனர் சமூகவலைதளங்களில்.
90ஸ் கிட்ஸ்களில் குழந்தைப்பருவத்தைப் பற்றிய புத்தகம் எழுதினால், ஒரு லைப்ரரியே வைக்கலாம். அந்தளவிற்கு தொழில்நுட்பம் வளர்ந்தும் வளராத இடைப்பட்ட காலகட்டத்தில் கிடைத்த அனைத்து சந்தோசங்களையும் அனுபவித்தவர்கள் அவர்கள். அவற்றில் ஒன்றுதான் சுதந்திர தினமும்.
அன்றைய தினம் காலையிலேயே எழுந்து, வழக்கம்போல் பள்ளிக்கு கிளம்பி, அங்கு தரப்போகிற ஒரே ஒரு ஆரஞ்சு மிட்டாய்க்காக, மைக்கைப் பிடித்துக் கொண்டு பேசும் அனைவரது பேச்சையும் வெயிலில் உட்கார்ந்து கவனித்து, பின் வீடு திரும்பியதும் டிவியில் போடப்படும் அர்ஜுன் அல்லது விஜயகாந்த் படத்தைப் பார்த்து விட்டு.. என அந்தக்கால சுதந்திர தினக் கொண்டாட்டங்களே வேறு மாதிரிதான்.
சுதந்திர தினமான இன்று தங்களது குழந்தைப் பருவத்திற்கே திரும்பி விட்டனர் போலும் நெட்டிசன்கள்தான். அதனால்தான் சமூகவலைதளங்களில் சேனல்களை சைடு கேப்பில் கலாய்த்தவாறு, தங்களது 90ஸ் கிட்ஸ் சுதந்திர தினக் கொண்டாட்டத்தையும் மீம்ஸ்களாக அசைபோட்டு வருகின்றனர்.
இதோ அப்படியாக சமூகவலைதளங்களில் நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google