அவசரப்பட்டு தீர்ந்துடாத சம்பளமே.. உன்னை வைச்சுத்தான் இந்த மாசத்தையே ஓட்ட வேண்டி இருக்கு!

சென்னை: வழக்கமாக ஐந்து தேதிக்கு மேல்தான் கையில் காசில்லை எனப் புலம்பும் நெட்டிசன்கள், இந்த மாதம் இரண்டாம் தேதியே தங்களது புலம்பலை ஆரம்பித்து விட்டனர்.

ஒவ்வொருத்தருக்கும் ஒவ்வொரு பீலீங் என்பது மாதிரி.. சம்பளக்காரர்களுக்கு ஒவ்வொரு மாதமும் ஒவ்வொரு மாதிரியாக செலவு வருகிறதே என்ற பீலீங். அதிலும் குறிப்பாக ஜூன் மாதம் வந்து விட்டால், வழக்கமான குடும்பச் செலவுகளோடு, பிள்ளைகளுக்கு ஸ்கூல் பீஸ் கட்ட வேண்டும், யூனிபார்ம் தைக்க வேண்டும், புதிய ஸ்கூல் பேக், வாட்டர்பாட்டில், டிபன் பாக்ஸ் வாங்க வேண்டும் என ஒரு செலவுப் பட்டியலே வைத்திருப்பார்கள் குடும்பஸ்தர்கள்.

ஏற்கனவே, வாங்கிய சம்பளம் இஎம்ஐகளுக்கே சரியாக இருக்கிறது, பணம் அக்கௌண்ட்டில் வந்த அடுத்த நிமிடமே, எல்லா இஎம்ஐகளுக்கும் அதனை எடுத்து விடுகிறார்கள் என மாதாமாதம் சம்பளதாரர்கள் மீம்ஸ் போட்டு புலம்புவார்கள். அதில், இந்த மாதம் கொஞ்சம் ஸ்பெஷல் செலவுகள் என்றால் கேட்கவா வேண்டும்?

அதனால்தான் மாதம் பிறந்த இரண்டாம் நாளே, 'கையில வாங்கினேன்.. பையில போடல.. காசு போன இடம் தெரியல..' என மீம்ஸ் போட்டு பாட்டாகவே பாடத் தொடங்கி விட்டனர். இதோ அப்படியாக சமூகவலைதளங்களில் நம் கண்ணில் பட்ட நகைச்சுவையான சில புலம்பல் மீம்ஸ்களின் தொகுப்பு உங்களுக்காக...

English summary

These are some jolly memes collection on salary.