அமித்து என்னை பச்சை சட்டை போட சொல்றாங்கப்பா.. அப்போ ரிட்டயர்மெண்டா? டிரெண்டான தேர்தல் மீம்ஸ்
சென்னை; தேசிய அளவில் பாஜக தனிப்பட்ட மெஜாரிட்டி பெறாமல் போனது அந்த கட்சியின் பெரிய தோல்வியாக பார்க்கப்படுகிறது. இந்த நிலையில் பாஜகவின் தோல்வியை வைத்து நெட்டிசன்கள் மீம்ஸ் போட்டு வருகின்றனர்.
கடந்த லோக்சபா தேர்தலில் பாஜக தேசிய அளவில் 303 இடங்களில் வென்றது. பாஜக என்டிஏ கூட்டணி 353 இடங்களில் வென்றது. காங்கிரஸ் 52 இடங்களில் வென்றது. இந்த நிலையில்தான் இன்று வாக்கு எண்ணிக்கை செய்யப்பட்டு தேர்தல் முடிவுகள் வெளியாகின. 543 தொகுதிகள் நாட்டில் உள்ளன. இதில் 272 தொகுதிகளில் வென்றால் ஆட்சியை பிடிக்க முடியும்.
இப்படிப்பட்ட நிலையில் 2024 லோக்சபா தேர்தலில் கிட்டத்தட்ட 292 தொகுதிகளில் என்டிஏ கூட்டணி வெற்றி பெற்றுள்ளது. பாஜக தனியாக 240 இடங்களில் வெற்றி பெற்றுள்ளது. காங்கிரஸ் கட்சி 97 இடங்களில் வெற்றி பெற்றுள்ளது. இந்தியா கூட்டணி 229 இடங்களில் வெற்றி பெற்றுள்ளது.
மீம்ஸ்: 2024 லோக்சபா தேர்தலில் பாஜக தனி பெரும்பான்மை பெற முடியாததை வைத்து நெட்டிசன்கள் மீம்ஸ் போட்டு வருகின்றனர்.
பாஜகவில் அத்வானி அரசியலில் ரிட்டயர்மெண்ட் கொடுத்த போது அவர் அணிந்து இருந்த உடை பச்சை குர்தா. அதாவது பால் பச்சை குர்தா. அதை நேற்று மோடி நாள் முழுக்க அணிந்து இருந்தார். இதை நெட்டிசன்கள் குறிப்பிட்டு, அமித் ஷா என்னை பதவி விலக சொல்றாங்கப்பா என்று பச்சை சட்டை போட சொல்றாங்கப்பா, என்று மீம்ஸ் போட்டுள்ளனர்.
மோடி அருகே சந்திரபாபு நாயுடு, நிதிஷ் குமார் அமர்ந்து இருப்பதை பார்த்து அதை வைத்தும் நெட்டிசன்கள் மீம்ஸ் போட்டு வருகின்றனர். வடிவேலுக்கு அருகே 2 பாதுகாவலர்கள் இருப்பதை வைத்து மீம்ஸ் போட்டுள்ளனர்.
மோடியை நிதிஷ் குமார் கண்ட்ரோல் செய்வதாக கிண்டல் செய்து, சைனாவுக்கு ஒரு போன் போடுங்க ஜி.. லேசா மெரட்டி பாப்போம்.. என்றும் மீம்ஸ் போட்டுள்ளனர்.
கோவையில் அண்ணாமலை தோல்வி அடைந்த காரணத்தால் அவர் அழுவது போலவும் நெட்டிசன்கள் மார்ப் மீம் வீடியோ வெளியிட்டுள்ளனர். கோவையில் பாஜக தலைவர் அண்ணாமலை 118068 வாக்குகள் வித்தியாசத்தில் தோல்வி கண்டுள்ளார். திமுக வேட்பாளர் கணபதி ராஜ்குமார் 568200 வாக்குகள் பெற்றுள்ளார்.
பாஜக அண்ணாமலை 450132 வாக்குகள் பெற்றுள்ளார். அதிமுக சிங்கை ராமசந்திரன் 236490 வாக்குகள் பெற்றுள்ளார். எலெக்சனுக்கு முன்னாடி கோயம்புத்தூரில் எந்த காலேஜ் வாசலில் நின்னு கேட்டாலும் அண்ணாமலை அண்ணாமலைன்னு சொன்னானுங்க என்ன ஆச்சு .. சொல்லிட்டு எல்லாரும் ஓட்டு போட சொந்த ஊருக்கு போயிட்டாங்க விஜய்.. என்று மீம் போட்டுள்ளனர்.
அதோடு மோடி.. இதுல என்னையை வேறு ராமநாதபுரத்தில் நிற்க வைக்க சொன்னீங்களா என்றும் நெட்டிசன்கள் மீம்ஸ் போட்டுள்ளனர்.
அதேபோல் தமிழ்நாட்டில் அதிமுக தோற்றதை வைத்து 2026 தேர்தலில்
எடப்பாடி : ஒன்னரை கோடி தொண்டர்களை கொண்ட கட்சி அதிமுக.
வாரிசு 300 கோடி... எவன்லே அது என்று விஜய் அரசியலுக்கு வருவதையும் வைத்து மீம்ஸ் போட்டுள்ளனர்.
உங்களிடம் இரண்டு மாடுகள் இருந்தால் அதில் ஒன்றை காங்கிரஸ் எடுத்துக்கொள்ளும் என்று மோடி கூறியதை கிண்டல் செய்து உங்களிடம் 2 கூட்டணிகள் இருந்தால் அதில் ஒன்றை காங்கிரஸ் எடுத்துக்கொள்ளும் என்றும் நெட்டிசன்கள் மீம்ஸ் போட்டுள்ளார்.
Click it and Unblock the Notifications
Sign in with Google