அடேய்.. உங்கப்பன மாதிரியே பேசாத.. இது வெறும் தயிர்சாதம்தான்!

Published: Sunday, March 30, 2025, 21:28 [IST]

Subscribe to Oneindia Tamil

சென்னை : ஞாயிறு ஸ்பெஷலாக வழக்கம் போல் சாப்பாடு பற்றிய மீம்ஸ்களைப் பகிர்ந்து இணையத்தை கமகமக்க வைத்து வருகின்றனர் நெட்டிசன்கள்.

ஞாயிறாக இருந்தாலும், யுகாதி பண்டிகை என்பதால் பல வீடுகளில் இன்று அசைவம் சமைக்கவில்லை போலும். அதனால்தான் ஞாயிறு ஸ்பெஷலாக சமூகவலைதளப் பக்கங்களில் பகிரப்படும் மீம்ஸ்களில் வழக்கம் போல் இன்று அசைவ உணவுகள் இல்லை. தயிர் சாதம், பரோட்டாவுக்கு சட்னி என கொஞ்சம் அடக்கியே வாசித்துள்ளனர்.

"பரோட்டாவுக்கு சைடிஷ் இட்லிபொடியா.. என் வாழ்க்கைல இன்னும் என்னென்ன கொடுமைலாம் பார்க்க வேண்டி இருக்கோ!" என்றும், சில வீடுகளில் என்ன சமைத்தாலும் ஏதாவது குறை சொல்லியே ஆக வேண்டும் எனத் திரிபவர்களைக் குத்திக் காட்டுவதுபோல், "அடேய்.. உங்கப்பன மாதிரியே பேசாத.. இது வெறும் தயிர்சாதம்தான்!" என்றும் நகைச்சுவையான மீம்ஸ்களைப் பகிர்ந்து வருகின்றனர் நெட்டிசன்கள்.

கூடவே, உடல்நலம், மனநலம் பற்றியும், ஞாயிறும்கூட விடுமுறை இல்லாமல் வேலை பார்ப்பவர்களை வைத்தும் கொஞ்சம் தத்துவார்த்தமான மீம்ஸ்களையும் பகிர்ந்துள்ளனர். இன்று புதிதாக சமைக்காமல் நேற்று வைத்த மீதிக்குழம்பை வைத்தே, இன்றைய பொழுதை சமாளித்தவர்களையும் நெட்டிசன்கள் கலாய்க்கத் தவறவில்லை.

இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...