உயிரை எடுக்க வந்த எமனுக்குக்கூட சாப்பாடு போட்ருப்பாருங்க.. கேப்டனுக்கு மீம்ஸ் அஞ்சலி!
சென்னை: நடிகரும், தேமுதிக தலைவருமான விஜயகாந்த்தின் மரணத்திற்கு வித்தியாசமாக, நெகிழ்ச்சியான மீம்ஸ்கள் மூலம் இரங்கல் தெரிவித்துள்ளனர் நெட்டிசன்கள்.
கடந்த சில வருடங்களாகவே உடல்நலம் பாதிக்கப்பட்டிருந்தார் என்றாலும், எப்படியும் கேப்டன் விஜயகாந்த், 'பழைய பன்னீர்செல்வமாக' திரும்பி வருவார் என்றே அவரது ரசிகர்களும், கட்சித் தொண்டர்களும் எதிர்பார்த்தனர். ஆனால், அவர்களுக்கு அதிர்ச்சி தரும் வகையில், நேற்று முன் தினம் காலை, விஜயகாந்த்தின் மரணச் செய்தி வெளியானது.
அந்தச் செய்தியைக் கேட்டு நொறுங்கிப் போன அவரது ரசிகர்கள், தங்கள் தலைவரின் முகத்தை கடைசியாக ஒருமுறையாவது பார்த்துவிட மாட்டோமா என சென்னையில் குவியத் தொடங்கினார். ஊடகங்களிலும் கடந்த இரண்டு நாட்களாக விஜயகாந்த் பற்றிய செய்திதான்.
அவர் வாழும் போதுகூட, அவருடன் பழகியவர்களுக்கும், பயனடைந்தவர்களுக்கும் மட்டும்தான் அவரது அருமை, பெருமைகள் தெரியும். ஆனால், நேற்றும், நேற்று முன்தினமும் அவரது முகத்தைப் பார்க்க ஓடோடு வந்த மக்கள் கூட்டமும், பிரபலங்கள் அளித்த பேட்டியும் எப்படியான தான, தர்ம வாழ்க்கையை கேப்டன் வாழ்ந்திருக்கிறார் என்பதை எடுத்துக் காட்டியது.
'இருந்தாலும் மறைந்தாலும் பேர் சொல்ல வேண்டும் இவர் போல யார் என்று ஊர் சொல்ல வேண்டும்'.. என்ற வரிகளை விஜயகாந்தின் மரணம் உலகிற்கு உதாரணமாக எடுத்துக் காட்டி விட்டது. கடந்த இரண்டு நாட்களாக சமூகவலைதளப் பக்கங்களிலும் கேப்டனின் மறைவு பற்றிய செய்திகளும், அவரைப் பற்றிய நெகிழ்ச்சியான தகவல்களுமே அதிகளவு பகிரப்பட்டு வந்தன.
மீமர்களும் தங்கள் பங்கிற்கு கேப்டன் பற்றிய நெகிழ்ச்சியான விசயங்களை தங்கள் ஸ்டைலில் மீம்ஸ்களாகப் பகிர்ந்து வருகின்றனர். இதோ அப்படியாக நம் கண்ணில் பட்ட சில மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google