இன்னைக்கு சோறு, சாம்பார், ரசம் எதுவும் கிடையாது.. 3 வேளையும் கொழுக்கட்டைதான் சாப்பாடு!
சென்னை : விநாயகர் சதுர்த்திக்கு செய்யப்படும் கொழுக்கட்டைகளை வைத்து விதவிதமான மீம்ஸ்களைப் பகிர்ந்து இணையத்தைக் கலகலக்க வைத்து வருகின்றனர் நெட்டிசன்கள்.
பொங்கலுக்கு பொங்கல், ரம்ஜானுக்கு பிரியாணி மாதிரி விநாயகர் சதுர்த்திக்கு கொழுக்கட்டை. பூரணம் வைத்த கொழுக்கட்டை, பூரணம் வைக்காத கொழுக்கட்டை, பால் கொழுக்கட்டை என விநாயகர் சதுர்த்தி நாளன்று விதவிதமான கொழுக்கட்டைகளை வீடுகளில் செய்வார்கள். அதிலும் இப்போதெல்லாம் யூடியூப்பைப் பார்த்து, சாக்லேட் கொழுக்கட்டைக்கூட செய்கிறார்கள்.
முதலில் சாப்பிடுவதற்கு ஆர்வமாக இருந்தாலும், இனிப்பு பலகாரம் என்பதால் சிறிது சாப்பிட்டதுமே தெகட்டி விடும். ஆனாலும் விடமாட்டார்கள். செய்த கொழுக்கட்டை எல்லாம் வீணாகி விடும் என அன்றைய தினம் முழுவதுமே வீட்டில் சாப்பாடாக கொழுக்கட்டைதான் இருக்கும். போதாக்குறைக்கு அக்கம்பக்கத்தார் வேறு கொழுக்கட்டைகளைக் கொண்டு வந்து கொடுத்து, தீர்ந்து விடாமல் பார்த்துக் கொள்வார்கள்.
இப்படி வீட்டில்தான் திரும்பிய பக்கமெல்லாம் கொழுக்கட்டைகளாக இருக்கிறது என்றால், சமூகவலைதளப் பக்கங்களிலும் திரும்பிய பக்கமெல்லாம் கொழுக்கட்டை மீம்ஸ்கள்தான் கண்ணில் படுகின்றன. இதோ அப்படியாக நம் கண்ணில் பட்ட சில நகைச்சுவையான விநாயகர் சதுர்த்தி ஸ்பெஷல் கொழுக்கட்டை மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google