இன்னும் ரெண்டு வாரம் இருக்கு குமாரு..இப்போ இந்தக் காமெடிய எடுத்து உள்ள வை!
சென்னை: புத்தாண்டு பிறக்க இன்னும் சரியாக இரண்டு வாரங்கள் உள்ள நிலையில், இப்போதே புத்தாண்டிற்கான தீர்மானமாக, (அதாங்க நியூ இயர் ரிசெல்யூசன்) என்ன எடுக்கலாம் என யோசித்துக் கொண்டிருப்பவர்கள் மீம்ஸ் போட்டு கலாய்த்துள்ளனர் நெட்டிசன்கள்.
புத்தாண்டு பிறக்கிறது என்றாலே நமக்கு நினைவுக்கு வருவது இரண்டு விசயங்கள்தான். ஒன்று வீட்டில் உள்ள பழைய காலண்டரை மாற்ற வேண்டும், மற்றொன்று நம்மிடம் உள்ள பழைய கெட்டப் பழக்கங்களை மாற்றிக் கொள்ளும் ரிசெல்யூசன் எடுக்க வேண்டும். என்னதான் காசு கொடுத்து காலண்டர் வாங்க முடிகிற அளவுக்கு கையில் பணம் இருந்தாலும், ஓசியில் வாங்கினால்தான் அந்தக் காலண்டரை நினைத்து ஆண்டு முழுவதும் பெருமிதப் பட்டுக் கொள்ள முடியும் என்பதால், பலர் புத்தாண்டுக்கு எடுக்கும் முதல் ரிசெல்யூசனே ஓசியில் காலண்டர் வாங்குவதுதான்.
இப்படி, 'காலண்டர் முக்கியம் பிகிலு' என கடைவீதியில் சுற்றித் திரிபவர்களை வைத்து, ஒவ்வொரு ஆண்டும் விதவிதமான மீம்ஸ்களைப் பகிர்வது என்பது நம் மீமர்களுக்கு அல்வா சாப்பிடுவது மாதிரி. 'என்னடா பரோட்டா கடைல வந்து காலண்டர் கேட்குற... யார் நீ..' என்பது மாதிரியான மீம்ஸ்கள் கொஞ்சம் பழையவைதான் என்றாலும், எக்காலத்திலும் பொருந்திப் போக வைத்து ரசிக்க வைப்பவை.
இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google