மழை, புயல், வெள்ளம்... டேய் வருசம் முடியப் போகுதுன்னு நீங்க வந்தாதான்டா தெரியுது!

Published: Monday, December 9, 2024, 23:05 [IST]

Subscribe to Oneindia Tamil

சென்னை : டிசம்பர் மாதம் முடிந்து புத்தாண்டு பிறக்கப் போகிறது என்ற மகிழ்ச்சி ஒருபுறம் இருந்தாலும், வரும் ஆண்டாவது தங்களது பிரச்சினைகள் எல்லாம் தீருமா என்ற எதிர்பார்ப்போடு மக்கள் இருக்கிறார்கள் என்பது அவர்கள் பகிரும் மீம்ஸ்களைப் பார்த்தாலே தெரிகிறது.

டிசம்பர் மாதம் என்றாலே முன்பெல்லாம் அரையாண்டு விடுமுறை, அடுத்து புத்தாண்டு என்ற எதிர்பார்ப்பெல்லாம் முன்பு அதிகமாக இருக்கும். ஆனால் சமீபகாலமாக மழையும், புயலும் புரட்டி எடுப்பதை நினைத்து, டிசம்பர் என்றாலே மக்கள் கொஞ்சம் வெள்ளத்தை நினைத்து பயப்படத்தான் செய்கிறார்கள்.

அதுவும் கடந்த சில வருடங்களுக்கு முன்பு வரை, வெள்ளம் என்றால் அது சென்னை உட்பட சில வடமாவட்டங்களையும், கடலோர மாவட்டங்களையும்தான் பாதிக்கும் என்ற நிலை மாறி, தற்போது பல உள்மாவட்டங்களுமே வெள்ளத்தில் தத்தளிக்கும் அளவிற்கு மழை வெளுத்து வாங்கி விடுகிறது. அதனால் நவம்பர், டிசம்பர் என்றாலே மக்களுக்கு புயல், மழை, வெள்ளம் தான் ஞாபகத்திற்கு வருவதாக மீம்ஸ் போட்டு புலம்பி வருகின்றனர் சமூகவலைதளப் பக்கங்களில்.

கூடவே, 'ஆஹா.. வர்ற வேகத்தை பார்த்தாலே பயமா இருக்கே.. இவன் என்னென்ன பிரச்சினைல சிக்க வைக்க போறானோ தெரியலயே!' என பிறக்கப் போகிற 2025ம் ஆண்டையும் கொஞ்சம் கலாய்த்துள்ளனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட டிசம்பர் மற்றும் புத்தாண்டு பற்றிய நகைச்சுவையான சில மீம்ஸ்களின் தொகுப்பு உங்களுக்காக...