இந்த வருசமாவது வேற பாட்டு வந்திருக்கா.. இல்ல நான் பாடித்தான் நியூ இயரை வரவேற்கணுமா?
சென்னை: இன்னும் சில மணி நேரங்களில் புத்தாண்டு பிறக்கவுள்ள நிலையில், மீம்ஸ் போட்டு அதனை பிரமாதமாக சமூகவலைதளப் பக்கங்களில் வரவேற்று வருகின்றனர் மக்கள்.
புத்தாண்டு பிறக்கப் போகிறதென்றாலே எல்லோருக்கும் நினைவில் வருவது, நடிகர் கமல் பைக்கில் வந்து பாடும், 'விஷ் யூ ஹேப்பி நியூ இயர்’ என்ற பாடல்தான். அந்தக் காலம், இந்தக் காலம் என எப்போதும் மாறாத விசயங்களில் இதுவும் ஒன்று. எவ்வளவுதான் புத்தாண்டை வைத்து புதுப்பாடல்கள் வந்தாலும், மக்களுக்கு ஆல் டைம் பேவரைட் இந்தப் பாடல்தான்.
அதனாலேயே இந்தப் பாடலை வைத்தும் நகைச்சுவையான மீம்ஸ்களை புத்தாண்டு அன்று பகிர்வது நம் நெட்டிசன்களுக்கு பிடித்தமான ஒன்று. 'கமல் இன்னேரம் பைக்க துடைச்சி வச்சு.. பாட்டு பாட ரெடி ஆகியிருப்பார்ல’ என கலாய்த்து வந்தவர்கள், இந்த ஆண்டு சற்று வித்தியாசமாய், “இந்த வருசமாவது வேற பாட்டு வந்திருக்கா.. இல்ல வழக்கம்போல நான் பாடித்தான் நியூ இயரை வரவேற்கணுமா?” என கமலே கேட்பதுபோல் மீம்ஸ்களைப் பகிர்ந்து இணையத்தைக் கலகலக்க வைத்து வருகின்றனர்.
கூடவே, கடந்தாண்டில் எடுத்த சபதங்கள், பிரச்சினைகள் என எல்லாவற்றையும் மறக்காமல் மீம்ஸ்களாகப் பகிர்ந்து வருகின்றனர். இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google