• search
For Quick Alerts
ALLOW NOTIFICATIONS  
For Daily Alerts
Just In

Mettur Dam Water Level Today | மேட்டூர் அணை நீர்மட்டம் இன்று

|
    சேலம்: மேட்டூர் அணையில் இருந்து 1,000 கன அடி நீர் வெளியேற்றம்.

    Newest First Oldest First
    3:59 PM, 2 Dec
    மேட்டூர் அணை நீர்மட்டம் - [02-12-2019]
    மேட்டூர் அணைக்கு நீர்வரத்து 6,001 கனஅடியில் இருந்து 7,500 கனஅடியாக அதிகரித்துள்ளது. அதேபோல் அணையில் இருந்து டெல்டா பாசனத்திற்கான நீர்திறப்பு 5,000 கனஅடியில் இருந்து 7,000 கனஅடியாக அதிகரிக்கப்பட்டுள்ளது. மேலும் கிழக்கு மற்றும் மேற்கு கால்வாய் பாசனத்திற்கான நீர்திறப்பு வினாடிக்கு 700 கனஅடியில் இருந்து 400 கனஅடியாக குறைக்கப்பட்டுள்ளது. மேட்டூர் அணையின் நீர்மட்டம் 120 அடியாக தொடரும் நிலையில் நீர்இருப்பு 93.47 டிஎம்சியாக இருக்கிறது. தமிழகத்தில் பரவலாக பெய்து வரும் மழை காரணமாக மேட்டூர் அணை உட்பட பல்வேறு அணைகளுக்கு நீர்வரத்து அதிகரித்துள்ளது.
    2:43 PM, 11 Nov
    மேட்டூர் அணை நீர்மட்டம் - [11-11-2019]
    மேட்டூர் அணைக்கு வரும் நீரின் அளவு, விநாடிக்கு 24 ஆயிரத்தி 21 கன அடியாக அதிகரித்துள்ளது. வடகிழக்கு பருவமழை தீவிரம் அடைந்துள்ள நிலையில் , காவிரி நீர்பிடிப்பு பகுதிகளில் அதிகளவு மழை பெய்து வருகிறது, இதன் காரணமாக அணைக்கு நீர்வரத்து அதிகரித்துள்ளதால் தற்போது அணையிலிருந்து 14 ஆயிரம் கன அடி நீர் பாசனத்திற்காக திறக்கப்படுகிறது, இதனால் சுற்றுவட்டார விவசாயிகள் மகிழ்ச்சி அடைந்துள்ளனர்.
    2:00 PM, 7 Nov
    மேட்டூர் அணை நீர்மட்டம் - [07-11-2019]
    மேட்டூர் அணையில் இன்று காலை முதல் காவிரியில் 16 ஆயிரம் கன அடி தண்ணீரும், கால்வாயில் 600 கனஅடி தண்ணீரும் திறந்து விடப்பட்டு உள்ளது. இதனால் மீண்டும் காவிரியில் வெள்ளம் பெருக்கெடுத்து ஓடுகிறது. இதுவரை அணைக்கு வரும் தண்ணீர் அப்படியே வெளியேற்றப்பட்டதால் மேட்டூர் அணை நீர்மட்டம் இன்று காலை வரை 120 அடியாக நீடித்தது. இன்று காலை முதல் அணைக்கு வரும் தண்ணீரை விட அணையில் இருந்து கூடுதல் தண்ணீர் திறந்து விடப்படுவதால் அணை நீர்மட்டம் இனி வரும் நாட்களில் வேகமாக சரியும் நிலை ஏற்பட்டுள்ளது.
    9:58 AM, 23 Oct
    மேட்டூர் அணை நீர்மட்டம் - [23-10-2019]
    கடந்த சில நாட்களாக நீடித்து வந்த தொடர் மழையால் இன்று மேட்டூர் அணையின் நீர்மட்டம் அதன் முழு கொள்ளளவான 120 அடியை எட்டியுள்ளது. இது கடந்த 2 மாதங்களில் 3வது முறையாகும். மேட்டூர் அணை வரலாற்றில் கடந்த 86 ஆண்டுகளில் 44வது முறையாக அணை அதன் முழு கொள்ளளவை எட்டியுள்ளது. அணை நிரம்பிய நிலையில் அதில் இருந்து தண்ணீர் அதிக அளவில் திறந்து விடப்படும். இதனால் காவிரி கரையோரம் வசிக்கும் மக்களுக்கு எச்சரிக்கை விடப்பட்டு உள்ளது.
    3:27 PM, 22 Oct
    மேட்டூர் அணை நீர்மட்டம் - [22-10-2019]
    நேற்று 117.80 அடியாக இருந்த மேட்டூர் அணை நீர்மட்டம் இன்று பிற்பகலில் 119 அடியை எட்டும் என எதிர்பார்க்கப்படுகிறது. மேட்டூர் அணை முழு கொள்ளளவான 120 அடியை எட்ட இன்னும் ஒரு அடியே குறைவாக உள்ளது. இனி வரும் நாட்களில் இதே அளவு தண்ணீர் வந்தாலும் கூட மேட்டூர் அணை இந்த வார இறுதிக்குள் 3-வது முறையாக 120 அடியை எட்டும் என எதிர்பார்க்கப்படுகிறது.
    11:28 AM, 8 Oct
    மேட்டூர் அணை நீர்மட்டம் - [08-10-2019]
    கடந்த 5-ந் தேதி 118.71 அடியாக இருந்த மேட்டூர் அணை நீர்மட்டம் படிப்படியாக சரிந்து நேற்று 117.60 அடியானது. இன்று நீர்மட்டம் மேலும் சரிந்து 116.90 அடியாக குறைந்தது. இதனால் கடந்த 3 நாட்களில் சுமார் 2 அடி நீர்மட்டம் குறைந்துள்ளது குறிப்பிடத்தக்கது. இனிவரும் நாட்களில் மேட்டூர் அணை நீர்வரத்து மேலும் சரியும் பட்சத்தில் அணை நீர்மட்டம் மேலும் வேகமாக குறைய வாய்ப்பு உள்ளது.
    11:25 AM, 25 Sep
    மேட்டூர் அணை நீர்மட்டம் - [25-09-2019]
    மேட்டூர் அணையின் நீர்மட்டம் நடப்பாண்டில் 2வது முறையாக 120 அடியை எட்டியுள்ளதால் டெல்டா பாசன விவசாயிகள் மகிழ்ச்சி அடைந்துள்ளனர். காவிரி நீர் பிடிப்பு பகுதிகளில் பெய்த தொடர் மழை காரணமாக மேட்டூர் அணைக்கு நீர் வரத்து தொடர்ந்து அதிகரித்து வந்தது. அதைத் தொடர்ந்து இன்று அணையின் நீர்மட்டம் முழு கொள்ளளவை எட்டியது. தற்போது மீண்டும் காவிரி நீர்பிடிப்பு பகுதிகளில் பெய்து வரும் மழையின் காரணமாக, மேட்டூர் அணையின் நீர்வரத்து வினாடிக்கு 9 ஆயிரத்து 97 கன அடியிலிருந்து 15 ஆயிரம் கன அடியாக அதிகரித்தது. இதனால் அணையின் நீர்மட்டம் மீண்டும் 120 அடியாகவும், நீர்இருப்பு 93.47 டி.எம்.சி-யாகவும் அதிகரித்துள்ளது. அணையிலிருந்து டெல்டா பாசனத்திற்கான நீர் திறப்பு 27 ஆயிரத்து 500 கன அடியாகவும் அதிகரிக்கப்பட்டுள்ளது.
    10:08 AM, 24 Sep
    மேட்டூர் அணை நீர்மட்டம் - [24-09-2019]
    தற்போது காவிரி நீர்பிடிப்பு பகுதிகளில் மழை பெய்வதால் மேட்டூர் அணைக்கு மீண்டும் தண்ணீர் வரத்து அதிகரித்துள்ளது. நேற்று 9 ஆயிரத்து 97 கன அடி தண்ணீர் வந்து கொண்டிருந்தது. அணையின் நீர்மட்டம் 119.95 அடி என்ற நிலையில் முழு கொள்ளளவை நெருங்கியது. இந்நிலையில் மேட்டூர் அணைக்கு இன்று தண்ணீர் வரத்து மேலும் அதிகரித்தது. நீர்வரத்து வினாடிக்கு 15 ஆயிரம் கன அடியாக உயர்ந்த நிலையில், இன்று காலையில் மேட்டூர் அணை 120 அடியை எட்டியது.
    3:49 PM, 20 Sep
    மேட்டூர் அணை நீர்மட்டம் - [20-09-2019]
    மேட்டூர் அணையில் நீர் திறப்பு 12,000 கன அடியில் இருந்து 8,000 கன அடியாக குறைப்பு.
    11:15 AM, 18 Sep
    மேட்டூர் அணை நீர்மட்டம் - [18-09-2019]
    மேட்டூர் அணைக்கு நீர் வரத்து 17 ஆயிரம் கன அடியில் இருந்து 15 ஆயிரம் கன அடியாக குறைந்தது. இதனால், பாசனத்திற்கு அணையில் இருந்து திறக்கப்படும், தண்ணீரின் அளவு, 14 ஆயிரம் கன அடியில் இருந்து 12 ஆயிரம் கன அடியாக குறைக்கப்பட்டது. அணையின் நீர்மட்டம் : 120 அடி; நீர் இருப்பு:13.47 டி.எம்.சி.
    12:06 PM, 9 Sep
    மேட்டூர் அணை நீர்மட்டம் - [09-09-2019]
    மேட்டூர் அணை நீர்மட்டம் ஞாயிற்றுக்கிழமை மாலை 120. 83 அடியை எட்டியதை அடுத்து வருவாய் மற்றும் பேரிடர் மேலாண்மை சார்பில் உச்ச கட்ட எச்சரிக்கை விடுக்கப்பட்டுள்ளது. மேட்டூர் அணைக்கு நீர்வரத்து 70 ஆயிரம் கனஅடியாக வந்து கொண்டிருந்தது. இதன் காரணமாக அணையின் நீர் இருப்பு 94 ஆயிரத்து 798 மில்லியன் கன அடியாக உள்ளது. வெளியேற்றம் 60 ஆயிரம் கனஅடியாக உள்ளது.
    1:36 PM, 7 Sep
    மேட்டூர் அணை நீர்மட்டம் - [07-09-2019]
    மேட்டூர் அணை தனது முழுக் கொள்ளளவான 120 அடியை எட்டியுள்ளது. மேட்டூர் அணைக்கு வரும் நீரின் அளவு விநாடிக்கு 76,000 கனஅடியாக உள்ளது. நீர்இருப்பு 93 டிஎம்சி.,யாக உள்ளது. அணையிலிருந்து தற்போது விநாடிக்கு 32,000 கனஅடி நீர் திறந்து விடப்பட்டுள்ளது. இது படிப்படியாக அதிகரித்து இன்று மாலை 50,000 கன அடியாக அதிகரிக்கப்படவுள்ளது. அணை நிரம்பியுள்ளதைத் தொடர்ந்து கரையோரப் பகுதிகளுக்கு எச்சரிக்கை விடப்பட்டுள்ளது. தொடர்ந்து 2வது ஆண்டாக அணை நிரம்பியுள்ளது.
    10:08 AM, 7 Sep
    மேட்டூர் அணை நீர்மட்டம் - [07-09-2019]
    மேட்டூர் அணைக்கு வரும் நீரின் அளவு 73,000 கனஅடியில் இருந்து 75,000 கனஅடியாக அதிகரித்துள்ளது. இதன் காரணமாக அணையின் நீர்மட்டம் 119.34 அடியை எட்டி உள்ளது. நீர்இருப்பு 92.42 டிஎம்சி.,யாக உள்ளது. அணையின் நீர்மட்டம் முழு கொள்ளளவை நெருங்கி வருவதால் டெல்டா பாசனத்திற்காக மேட்டூர் அணையில் இருந்து திறக்கப்படும் நீரின் அளவு 33,200 கனஅடியாக அதிகரிக்கப்பட்டுள்ளது. நீர்வரத்து தொடர்ந்து இதே அளவில் இருந்து வந்தால் இன்று மாலை அல்லது நாளை காலைக்குள் மேட்டூர் அணை நிரம்பி, முழு கொள்ளளவை எட்டும் என எதிர்பார்க்கப்படுகிறது.
    9:49 AM, 5 Sep
    மேட்டூர் அணை நீர்மட்டம் - [05-09-2019]
    மேட்டூர் அணைக்கு, வினாடிக்கு, 10 ஆயிரத்து, 235 கனஅடி நீர் வந்து கொண்டிருந்தது. பாசனத்துக்கு, 18 ஆயிரம் கனஅடி நீர் வெளியேற்றப்பட்டது. இதனால், 116.70 அடியாக இருந்த, அணை நீர்மட்டம், 116.20 அடியாக சரிந்தது. கர்நாடகா உபரிநீர் திறப்பு அதிகரித்ததால், வரும் நாளில், மேட்டூர் அணை நீர்வரத்து உயரும். அதற்கேற்ப, அணை நீர்மட்டம், அதிகரிக்க வாய்ப்புள்ளது.
    10:14 AM, 4 Sep
    மேட்டூர் அணை நீர்மட்டம் - [04-09-2019]
    மேட்டூர் அணைக்கு வரும் தண்ணீரை விட அணையில் இருந்து கூடுதல் தண்ணீர் திறந்து விடப்படுவதால் கடந்த 2 நாட்களில் மட்டும் அணை நீர்மட்டம் ஒரு அடி சரிந்துள்ளது. மேட்டூர் அணைக்கு நேற்று 10 ஆயிரத்து 189 கன அடியாக இருந்த நீர்வரத்து இன்று சற்று அதிகரித்து 10 ஆயிரத்து 235 கன அடியாக வந்து கொண்டிருக்கிறது.
    10:38 AM, 3 Sep
    மேட்டூர் அணை நீர்மட்டம் - [03-09-2019]
    நேற்று முன்தினம் காலை, 117.43 அடியாக இருந்த நீர்மட்டம், நேற்று காலை 117.20 அடியாக சரிந்தது. அணைக்கு நேற்று முன்தினம் காலை 12 ஆயிரம் கனஅடியாக இருந்த நீர்வரத்து, நேற்று காலை 11,302 கனஅடியாக சரிந்தது. நீர் இருப்பு 89.07 டி.எம்.சி. இதே போல், ஒகேனக்கல் காவிரியில் நேற்று முன்தினம் 13 ஆயிரம் கனஅடியாக இருந்த நீர்வரத்து, நேற்று காலை நிலவரப்படி 12 ஆயிரம் கனஅடியாக சரிந்தது.
    3:47 PM, 27 Aug
    மேட்டூர் அணை நீர்மட்டம் - [27-08-2019]
    மேட்டூர் அணைக்கு இன்று காலை நிலவரப்படி, அணைக்கு 9 ஆயிரத்து 500 கன அடி தண்ணீர் வந்து கொண்டிருக்கிறது. அணையின் நீர்மட்டம் நேற்று 117.30 அடியாக இருந்த நிலையில், இன்று காலை 117.22 அடியாக சரிந்துள்ளது.
    2:18 PM, 23 Aug
    மேட்டூர் அணை நீர்மட்டம் - [23-08-2019]
    அணைக்கு வரும் தண்ணீரை விட அணையில் இருந்து குறைந்த அளவே தண்ணீர் திறந்து விடப்படுவதால் அணையின் நீர்மட்டம் உயர்ந்து வருகிறது. நேற்று 116.53 அடியாக இருந்த மேட்டூர் அணையின் நீர்மட்டம் இன்று காலை மேலும் உயர்ந்து 116.93 அடியாக இருந்தது. பிற்பகலில் 117 அடியை தாண்டியது.
    2:09 PM, 19 Aug
    மேட்டூர் அணை நீர்மட்டம் - [19-08-2019]
    மேட்டூர் அணைக்கு நீர்வரத்து 35 ஆயிரம் கன அடியாக உயர்ந்துள்ள நிலையில் அணையின் நீர் மட்டம் 115.11 அடியாக உயர்ந்துள்ளது. இதனால் மேட்டூர் அணை விரைவில் நிறையும் என்று எதிர்பார்க்கப்படுகிறது.
    12:03 PM, 16 Aug
    மேட்டூர் அணை நீர்மட்டம் - [16-08-2019]
    மேட்டூர் அணைக்கு வரும் தண்ணீரை விட அணையில் இருந்து குறைந்த அளவே தண்ணீர் திறந்து விடப்படுவதால் அணையின் நீர்மட்டம் உயர்ந்து வருகிறது. நேற்று 110.33 அடியாக இருந்த மேட்டூர் அணையின் நீர்மட்டம் இன்று மேலும் உயர்ந்து 111.81 அடியாக உயர்ந்தது. பிற்பகலில் 112 அடியை எட்டும் என எதிர்பார்க்கப்படுகிறது.
    1:38 PM, 14 Aug
    மேட்டூர் அணை நீர்மட்டம் : [14-08-2019]
    மேட்டூர் அணைக்கு நேற்று காலை 2 லட்சத்து 30 ஆயிரம் கன அடி தண்ணீர் வந்ததால் அணை நீர்மட்டம் நேற்றிரவு 104 அடியாகவும் இன்று காலை 107.75 அடியாகவும் உயர்ந்தது. மேலும் பிற்பகலுக்குள் 108 அடியை தாண்டும் என எதிர்பார்க்கப்படுகிறது.
    10:09 AM, 13 Aug
    இன்று காலை மேட்டூர் அணை நீர் மட்டம் 100 அடியை எட்டியது. இதன் மூலம் 65-வது முறையாக 100 அடியை எட்டியது குறிப்பிடத்தக்கது. அணைக்கு நீர்வரத்து வினாடிக்கு, 2 லட்சத்து பத்தாயிரம் கன அடியாக உள்ளது என பொதுப்பணித்துறை அதிகாரிகள் தெரிவித்துள்ளனர். இந்நிலையில் டெல்டா பாசனத்திற்காக இன்று மேட்டூர் அணையை முதல்வர் இபிஎஸ் திறந்து வைத்தார். தற்போது 3 ஆயிரம் கன அடி நீர் திறக்கப்பட்டுள்ளது. இது மேலும் பத்தாயிரம் கன அடி வரை உயர்த்தப்படும் என முதல்வர் அலுவலகம் தெரிவிக்கிறது.
    5:14 PM, 12 Aug
    BREAKING: மேட்டூர் அணை நீர்மட்டம்
    மேட்டூர் அணையின் நீர்மட்டம் 90 அடியை எட்டியது.. நாளை காலைக்குள் 100 அடியை எட்டும் என எதிர்பார்ப்பு.
    1:15 PM, 12 Aug
    மேட்டூர் அணை நீர்மட்டம் : [12-08-2019]
    இன்று பிற்பகல் 12 மணி நிலவரப்படி மேட்டூர் அணைக்கு நீர்வரத்து 2.20 லட்சம் கன அடியாக உயர்ந்துள்ளது. மேட்டூர் அணை நீர்மட்டம் - 86.90 அடி, நீர் இருப்பு - 49.17 டிஎம்சி, நீர் திறப்பு - 1000 கனஅடியாக உள்ளது..
    11:52 AM, 12 Aug
    மேட்டூர் அணை நீர்மட்டம் : [12-08-2019]
    கர்நாடக மாநிலத்தில் உள்ள அணைகளில் இருந்து திறக்கப்படும் தண்ணீர் ஒகேனக்கல் வழியாக மேட்டூர் அணைக்கு வருகிறது. தற்போது மேட்டூர் அணைக்கு நீர்வரத்து வினாடிக்கு 1 லட்சத்து 25 ஆயிரம் கனஅடியாக அதிகரித்துள்ளது. இதனால் அணையின் நீர்மட்டம் ஒரே நாளில் 11 அடி உயர்ந்து, 73 அடியை தாண்டியது.
    10:58 AM, 12 Aug
    மேட்டூர் அணை நீர்மட்டம் : [12-08-2019]
    மேட்டூர் அணைக்கு நீர்வரத்து 1.30 லட்சம் கன அடியாக அதிகரித்துள்ளது. இன்று மேட்டூர் அணைக்கு நீர்வரத்து 2.30 லட்சம் கன அடியாக உயரும் என்று கூறப்படுகிறது. கிருஷ்ணராஜசாகர் அணையில் இருந்து1.53 லட்சம் கன அடி நீர் திறக்கப்படுகிறது. பிலிகுண்டுலுவிற்கு நீர்வரத்து 2 லட்சம் கனஅடியாக உயர்ந்துள்ளது. இதே நிலை நீடித்தால் அடுத்த 4 அல்லது 5 நாட்களில் நீர்மட்டம் 100 அடியை எட்டும் என்று எதிர்பார்க்கப் படுகிறது.
    10:59 AM, 2 Aug
    மேட்டூர் அணை நீர்மட்டம் : [02-08-2019]
    கடந்த 23-ந் தேதி 39.13 அடியாக இருந்த மேட்டூர் அணை நீர்மட்டம் படிப்படியாக உயர்ந்து நேற்று 48.92 அடியாக இருந்தது. இன்று நீர்மட்டம் ஒரு அடிக்கு மேல் உயர்ந்து 50.15 அடியாக உயர்ந்தது. இதனால் கடந்த 10 நாட்களில் 11 அடி உயர்ந்துள்ளது குறிப்பிடத்தக்கது.
    11:16 AM, 1 Aug
    மேட்டூர் அணை நீர்மட்டம் : [01-08-2019]
    மேட்டூர் அணைக்கு நேற்று, விநாடிக்கு 9 ஆயிரத்து 200 கனஅடியாக இருந்த நீர்வரத்து, இன்று காலை 10,000 கனஅடியாக அதிகரித்தது. அணையில் இருந்து குடிநீர் தேவைக்காக, விநாடிக்கு ஆயிரம் கனஅடி வீதம் தண்ணீர் திறக்கப்படுகிறது. மேட்டூர் அணை நீர்மட்டம் - 48.92 அடியாக உள்ளது. நீர் இருப்பு - 17.13 டிஎம்சி, நீர்வரத்து - 10,000 கனஅடி, நீர் திறப்பு - 1,000 கனஅடியாகவும் உள்ளது.
    10:13 AM, 31 Jul
    மேட்டூர் அணை நீர்மட்டம் : [31-07-2019]
    தமிழக எல்லையான பிலிகுண்டுலு வழியாக ஒகேனக்கல்லுக்கு வருகிறது. ஒகேனக்கல்லில் காவிரியில் கடந்த 2 நாட்களாக நீர்வரத்து விநாடிக்கு 8 ஆயிரத்து 900 கனஅடியாக இருந்த நிலையில், 9,500 கனஅடியாக உயர்த்தப்பட்டது. தற்போது, 10, 000 கனஅடியை எட்டியுள்ளது. மேட்டூர் அணை நீர்மட்டம் - 47.67 அடியாக உள்ளது. நீர் இருப்பு - 16.37 டிஎம்சி, நீர்வரத்து - 9, 200 கனஅடி, நீர் திறப்பு - 1000 கனஅடியாகவும் இருந்து வருகிறது.
    10:15 AM, 30 Jul
    மேட்டூர் அணை நீர்மட்டம் : [30-07-2019]
    மேட்டூர் அணைக்கு நேற்று, விநாடிக்கு 8 ஆயிரத்து 400 கனஅடியாக இருந்த நீர்வரத்து, இன்று காலை 8 ஆயிரத்து 900 கனஅடியாக அதிகரித்தது. அணையில் இருந்து குடிநீர் தேவைக்காக, விநாடிக்கு ஆயிரம் கனஅடி வீதம் தண்ணீர் திறக்கப்படுகிறது. நேற்று 45.33 அடியாக இருந்த நீர்மட்டம், இன்று 46.49 அடியாக அதிகரித்தது. நீர் இருப்பு 15.67 டிஎம்சியாக உள்ளது.

    மேட்டூர் அணை வரலாறு:

    மேட்டூர் அணை 1934 ஆம் ஆண்டு கட்டி முடிக்கப்பட்டது. முதல் ஆங்கிலேயர்களின் ஆட்சியின் போதும் இரண்டாவது இந்தியக் குடியரசிலும் மேட்டூர் அணை கட்டப்பட்டது. மேட்டூர் அணை தமிழக காவிரி டெல்டா மக்களின் முக்கிய நீராதாரமாக உள்ளது.

    எங்கு உள்ளது மேட்டூர் அணை?

    இது சேலம் மாவட்டத்தில் மேட்டூர் எனும் ஊரில் கட்டப்பட்டுள்ளதால் மேட்டூர் அணை என அழைக்கப்படுகிறது.இது அணையைக்கட்டிய ஸ்டேன்லி என்பவரின் பெயரால் ஸ்டேன்லி நீர்த்தேக்கம் என்றும் மேட்டூர் அணை அழைக்கப்படுகிறது.

    எந்த ஆற்றின் மீது கட்டப்பட்டுள்ளது மேட்டூர் அணை?

    மேட்டூர் அணை காவிரி ஆற்றின் மீது கட்டப்பட்டுள்ளது. மேட்டூர் அணைக்கு கர்நாடகாவில் உள்ள கபினி அணை மற்றும் கிருஷ்ணா ராஜா சேகர அணை ஆகியவற்றிலிருந்து நீர் பெறப்படுகிறது.

    மேட்டூர் அணை முழு கொள்ளளவு விவரம்:

    இந்த அணையில் 93.4 டி.எம்.சி நீரை சேமிக்க முடியும். மேட்டூர் அணையின் மொத்த உயரம் 124 அடியாகும். இந்த அணை 1700 மீட்டர் நீளம் கொண்டது. ஆனால் 120 உயரம் வரை மட்டுமே அணையில் தண்ணீரை சேமிக்க அனுமதிக்கப்பட்டுள்ளது.

    மேட்டூர் அணை வானிலை:

    மேட்டூர் அணை மலையும் காடும் சார்ந்து காணப்படுவதால் எப்போதும் குளிர்ந்த காற்று வீசிவருகிறது. குறைந்தளவு தண்ணீர் இருந்தாலும் குளிர்ச்சியான காற்று வீசுவதால் வெயில் தெரிவதில்லை.

    மேட்டூர் அணை - அருகிலுள்ள சுற்றுலா தலங்கள்:

    சேலம் நகரத்திலிருநத்து 60 கி.மீ. தொலைவில் உள்ள மேட்டூரில் உள்ளது.இதன் எதிரில் செயற்கை நீர்வீழ்ச்சிகள் மற்றும் அழகிய புல்தரைகளுடன் கண்ணை கவரும் வகையில் பூங்காவும் உள்ளது. அணையின் நீர்மட்டம் 80அடிக்கு கிழ் குறைந்தால் நந்தி சிலையும், 70 அடிக்கு கீழே குறையும்பபோது கிறிஸ்தவ கோபுரமும் தெரியும். ஏற்காடு மலை, கிளியூர் நீர் வீழ்ச்சி, தாரமங்கலம் ஆகியவை மேட்டூர் அணைக்கு அருகில் உள்ள சுற்றுலாத்தலங்கள் ஆகும்.

    மேட்டூர் அணை - பார்வையிடும் நேரம்:

    மேட்டூர் அணையை பார்வையிட சுற்றுலாப்பயணிகளுக்கு அனைத்து வார நாட்களிலும் காலை 9 மணி முதல் மாலை 6 மணி வரை அனுமதி வழங்கப்படுகிறது. இதற்கு நுழைவு கட்டணமாக நபர் ஒருவருக்கு 5 ரூபாய் டிக்கெட் கட்டணம் வசூலிக்கப்படுகிறது. வாகனங்கள் நிறுத்துவதற்கான வசதியும் இங்கு செய்யப்பட்டுள்ளது.

    Dam Water Level Today

    திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

     
     
     
    English summary
    Mettur Dam Water Level Today: Check complete details on Mettur Dam Water Level, History, Total Capacity, Weather, Visit Timings, Nearby Places to Visit and much more interesting facts on Mettur Dam.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more