வனக்காவலர்களை துப்பாக்கியால் சுட்ட கடத்தல்காரர்கள்

இந்திய அமைச்சருக்கு கனடா அழைப்பு - அடுத்த மாதம் செல்கிறார் அமைச்சர் தபன் சிக்தர்

டொரான்டோ:

கனடா நாடு விடுத்த அழைப்பை ஏற்று மத்திய தொலைத்தொடர்புத் துறை இணை அமைச்சர் தபன் சிக்தர் அந் நாட்டுக்கு அடுத்த மாதம் 4 நாள் சுற்றுப் பயணம் மேற்கொள்கிறார்.1998, மே மாதம் இந்தியா அணு ஆயுதப் பரிசோதனை மேற்கொண்டது. இதற்கு கனடா கடும் எதிர்ப்புத் தெரிவித்தது. அதன் பிறகு, இந்தியாவுடன் எந்த தொடர்பையும் கனடா வைத்துக் கொள்ளவில்லை. சமீபத்தில் அமெரிக்க அதிபர் பில் கிளிண்டன் இந்தியா வந்தபோதுகூட அது தொடர்பாக கனடா எந்த கருத்தையும் தெரிவிக்கவில்லை. அந் நாட்டு பத்திரிகையாளர்கள் கூட இந்தியா வரவில்லை.இந் நிலையில், இந்தியா மீதான தனது அணுகுமுறையை மாற்றிக் கொண்ட கனடா, தன் நாட்டுக்கு வரும்படி மத்திய அமைச்சருக்கு அழைப்பு விடுத்தது. இந்த அழைப்பை ஏற்று, இணை அமைச்சர் தபன் சிக்தர் அடுத்த மாதம் கனடா செல்கிறார். கனடா நாடும் தனது கலாச்சாரத் துறை இணை அமைச்சரை, அடுத்த வாரம் புது தில்லியில் நடைபெறும் பெண்கள் மாநாட்டுக்கு அனுப்ப உள்ளது என்பது குறிப்பிடத்தக்கது.

ஐ.ஏ.என்.எஸ்.