மேட்ச் ஃபிக்ஸிங்: புகார் நிரூபனமானால் வாழ்நாள் தடை - சர்வதேச கிரிக்கெட்கவுன்சில் முடிவு

மே 03, 2000

கண்ணன் -என் காதலன் (5)
(பிரிவாற்றாமை)

ஆசை முகமறந்து போச்சே-இதை
ஆரிடம் சொல்வேனடி தோழீ?
நினைவு முகமறக்க லாமோ? (1)

கண்ணில் தெரியுதொரு தோற்றம்-அதில்
கண்ண னழகுமுழு தில்லை;
நண்ணு முகவடிவு காணில் -அந்த
நல்ல மலர்ச்சிரிப்பைக் காணோம். (2)

ஓய்வு மொழிதலு மில்லாமல் -அவன்
உறவை நினைத்திருக்கும் உள்ளம்;
வாயு முரைப்பதுண்டு கண்டாய்-அந்த
மாயன் புகழினை யெப்போதும் (3)

கண்கள் புரிந்துவிட்ட பாவம்-உயிர்க்
கண்ண னுருமறக்க லாச்சு;
பெண்க ளினிடத்திலிது போலே ஒரு
பேதையை முன்பு கண்டதுண்டோ? (4)

தேனை மறந்திருக்கும் வண்டு-ஒளிச்
சிறப்பை மறந்துவிட்ட பூவும்
வானை மறந்திருக்கும் பயிரும்-இந்த
வைய முழுதுமில்லை தோழி! (5)

கண்ணன் முகமறந்து போனால் -இந்தக்
கண் களிருந்தும் பயணுண்டோ?
வண்ணப் படமுமில்லை கண்டாய்-இனி
வாழும் வழியென்னடி தோழி? (6)

(அடுத்து கண்ணன் - என் காந்தன்)

Back To Index