மேற்கிந்தியத் தீவுகளுடன் முதல் கிரிக்கெட் டெஸ்ட் - பாக். அணியில் சயீத்அன்வர் விளையாடவில்லை

மே 04, 2000

கண்ணன் என் - காந்தன்
(சிருங்கார ரசம்)

கனிகள் கொண்டுதரும்-கண்ணன்
கற்கண்டு போலினிதாய்,
பனிசெய் சந்தனமும் -பின்னும்
பல்வகை அத்தர்களும்,
குனியும் வான்முகத்தான் -கண்ணன்
குலவி நெற்றியிலே
இனிய பொட்டிடலே-வண்ணம்
இயன்ற சவ்வாதும். (1)

கொண்டை முடிப்பதற்கே -மணங்
கூடு தயிலங்களும்,
வண்டு விழியினுக்கே-கண்ணன்
மையுங் கொண்டுதரும்
தண்டைப் பதங்களுக்கே-செம்மை
சார்த்துசெம் பஞ்சுதரும்
பெண்டிர் தமக்கெல்லாம் -கண்ணன்
பேசருந் தெய்வமடீ! (2)

குங்குமங் கொண்டுவரும்-கண்ணன்
குழைத்து மார்பெழுத
சங்கையி லாதபணம்-தந்தே
தழுவி மையல் செய்யும்
பங்கமொன் றில்லாமல் -முகம்
பார்த்திருந் தாற்போதும்
மங்கள மாகுமடீ!-பின்னோர்
வருத்த மில்லையடீ! (3)

(அடுத்து கண்ணம்மா - என் காதலி-1)

Back To Index