ஜடேஜாவுக்கு இந்த ஆண்டு இறுதியில் திருமணம்

ஆலப்புழா:

பிரபல இந்திய கிரிக்கெட் வீரர் ஜடேஜாவுக்கு இந்த ஆண்டு இறுதியில் திருமணம் நடக்கிறது. இவர் தனது திறமையான ஆட்டத்தால் மக்களைக்கவர்ந்தவர். இவருக்கு ரசிகைகள் பட்டாளம் ஏராளம். இவரது தந்தை தவுலத் சிங் ஜடேஜா, குஜராத்தில் எம.பி.யாக இருந்தவர்.

தாயார் பெயர் ஷான் தான். இவர் கேரள மாநிலம் ஆலப்புழாவை சேர்ந்தவர். இருவரும் காதலித்து திருமணம் செய்து கொண்டவர்கள்.

ஷான் தானின் சகோதரர் ராஜசேகரன், சகோதரி சுதய் ஆகியார் இன்னும் ஆலப்புழாவில் வசிக்கின்றனர். கடந்த வாரம் சுதயின் மகனுக்கு திருமணம்நடைபெற்றது.

இதற்காக தவுலத் சிங் ஜடேஜாவும், ஷான் தானும் ஆல்ப்புழா வந்திருந்தனர்.அப்போது, ஒரு பத்திரிக்கை ஒன்றுக்கு ஷான்தான் அளித்த பேட்டியில்கூறியுள்ளதாவது:

அஜய் ஜடேஜாவுக்கு இந்தாண்டு இறுதிக்குள் திருமணம் நடக்கும். அவன் யாரையாவது காதலித்தால் அந்த பெண்ணையே அவனுக்கு மகிழ்ச்சியுடன்திருமணம் செய்து வைப்போம்.

அவன் விருப்பம்தான் எங்கள் விருப்பமும். அவனது காதலுக்குத் தடையாக இருக்கமாட்டோம். அஜய்க்கும் இந்தி நடிகைக்கும் திருமணம்நடந்துவிட்டதாக, சில பத்திரிக்கைகள் எழுதியுள்ளன. அப்படி எதுவும் கிடையாது என்றார்.