கிரிக்கெட் சூதாட்டத்தில் தொடர்புடைய கிஷன்குமார் மும்பை வருகை

மே 07, 2000

கண்ணம்மா - என் காதலி-3
(முகத்திரை களைதல்)

(சிருங்கார ரசம்)

தில்லித் துருக்கர் செய்த வழக்கமடி! பெண்கள்

திரையிட்டு முகமலர் மறைத்து வைத்தல்

வல்லியிடையினையும் ஓங்கி முன்னிற்கும்-இந்த

மார்பையும் மூடுவது சாத்திரங்கண்டாய்,

வல்லி யிடையினையும் மார்பி ரண்டையும்-துணி

மறைத்தத னாலழகு மறைந்த தில்லை,

சொல்லித் தெரிவதில்லை, மன்மதக்கலை-முகச்

சோதி மறைந்துமொரு காதலிங் குண்டோ?(1)

ஆரியர் முன்னெறிகள் மேன்மை யென்கிறாய் பண்டை

ஆரியர் பெண்களுக்குத் திரைகள் உண்டோ?

ஒரிரு முறைகண்டு பழகிய பின்-வெறும்

ஒப்புக்குக் காட்டுவதில் நாண மென்னடீ?

யாரிருந் தென்னை யிங்கு தடுத்திடுவார்-வலு

வாக முகத்திரையை அகற்றி விட்டால்?

காரிய மில்லையடி வீண்ப சப்பிலே -கனி

கண்டவன் தோலுரிக்கக் காத்திருப்பானோ? (2)

(அடுத்து கண்ணம்மா - என் காதலி -4)

Back To Index