தமிழகத்தில் இன்று

சென்னை:

2001 தேர்தலுக்கு வாக்காளர் அடையாள அட்டை கட்டாயமாக்கப்பட்டுள்ளது. இதற்கான உத்தரவை இந்திய தலைமை தேர்தல் கமிஷன்பிறப்பித்துள்ளது.

இந்த உத்தரவுப்படி தமிழகத்தில் அடையாள அட்டை வழங்குவதற்கான பணிகள் குறித்து புதிய அட்டவணை தயாரிக்கப்பட்டு வருகிறதுஎன்று தமிழக தேர்தல் அதிகாரி நரேஷ் குப்தா தெரிவித்துள்ளார்.

இதுகுறித்து அவர் வெளியிட்ட செய்திக் குறிப்பில் கூறியுள்ளதாவது:

2001ல் தமிழகத்தில் நடைபெற உள்ள சட்டமன்றத் தேர்தலில் வாக்காளர் அடையாள அட்டை கட்டாயம் வழங்கப்பட வேண்டும் என்றுதேர்தல் கமிஷன் உத்தரவிட்டுள்ளது. ஆனால், அடையாள அட்டையில் எண் குறிப்பிடுதல் பற்றி சில வரையறைகளை தேர்தல் கமிஷன்முன்பு நிர்ணயித்திருந்தது. அதுபற்றி சில விளக்கங்களையும், வழிமுறைகளையும் தேர்தல் கமிஷனிடம் தமிழக அரசு கேட்டுள்ளது.

அந்த விளக்கங்கள் மற்றும் வழிகாட்டுதல்கள் பெறப்பட்டவுடன் அடையாள அட்டைக்கான பணி துவங்கப்படும். வாக்காளர்களைபுகைப்படம் எடுத்தல், அடையாள அட்டைகள் தயார் செய்தல் மற்றும் வினியோகித்தல் ஆகிய பணிகளை உள்ளடக்கிய புதிய அட்டவணைஅதன் பின்னர் வெளியிடப்படும் என்று நரேஷ் குப்தா கூறியுள்ளார்.