தமிழகத்தில் இன்று

டெல்லி:

மின்சாரம், போக்குவரத்து மற்றும் பல துறைகளில் அளித்து வரும் மான்யத்தைக் குறைத்துக் கொள்ளும்படி மாநிலஅரசுகளுக்கு பிரதமர் வாஜ்பாய் அறிவுரை கூறியுள்ளார்.

டெல்லியில் நடைபெற்ற மாநிலங்களுக்கிடையேயான கவுன்சிலின் 6-வது கூட்டத்தில் அவர் பேசியதாவது:

நாடு கடுமையான நிதிப் பற்றாக்குறையில் உள்ளது. மாநில அரசுகள் தங்கள் செலவினங்களைக் கட்டுப்படுத்திக்கொள்ளவேண்டும். குறிப்பாக மின்சாரம், போக்குவரத்து உள்ளிட்ட துறைகளில் வழங்கிவரும் மான்யத்தை மாநிலஅரசுகள் குறைத்துக் கொள்ளவேண்டும்.

அவ்வாறு மேற்கொள்ளும் முயற்சியால் கிடைக்கும் நிதியை வளர்ச்சித் திட்டங்களுக்கு மாநில அரசுகள்பயன்படுத்திக் கொள்ளலாம்.

மத்திய அரசும் பல வகைகளில் தனது செலவினங்களைக் குறைத்துக் கொண்டு வருகிறது. நிலைமையை உணர்ந்துமாநில அரசுகள் செயல்படும் என்று எதிர்பார்க்கிறேன் என்றார் வாஜ்பாய்.

யு.என்.ஐ.