உலக டென்னிஸ் இரட்டையர் பட்டம் - ஆஸ்திரேலிய ஜோடி சாதனை
நியூயார்க்:
அமெரிக்காவில் வசிக்கும் இந்தியரான எழுத்தாளர், திரைப்பட இயக்குநர் மீரா நாயருக்கு வழங்கப்பட்ட பென்அமேசான்.காம் நிறுவனத்தின் சிறந்தசிறுகதைக்கான விருது தகுதியின்மை காரணமாக திரும்பப் பெறப்பட்டுள்ளது.
பென்அமேசான்.காம் நிறுவன விருதுக்கான விதிமுறைப்படி, 5000 பிரதிகளுக்கு மேல் அச்சடிக்கப்படும் எந்தப் பத்திரிகையிலும், எழுத்தாளர்களின்படைப்புகள் பிரசுரமாகியிருக்கக் கூடாது. ஆனால், மீரா நாயரின் சிறுகதை, திரீ பென்னி ரெவ்யூ என்ற பத்திரிகையில் பிரசுரமாகி விட்டதால் அவர்விருதுக்கான தகுதியை இழந்து விட்டதாக விருதுக்குழு தெரிவித்துள்ளது. அந்தப் பத்திரிகை 5000 பிரதிகளுக்கு மேல் அச்சிடுகிறது.
1 லட்சம் டாலர் பரிசுத் தொகையைக் கொண்டது இந்த விருது. இதைப் பெறத் தேர்ந்தெடுக்கப்பட்ட முதல் எழுத்தாளர் மீரா நாயர் என்பது குறிப்பிடத்தக்கது.
விருதைத் திரும்பப் பெறுவதால் மிகவும் வருத்தம் அடைவதாக பென்அமேசான்.காம் வெப் தளத்தில் கூறப்பட்டுள்ளது. இருப்பினும் மீரா நாயர் இந்த வெப்தளத்தில் வழங்கி விரும் வீடியோ என்ற இலக்கியப் பகுதி தொடர்ந்து வெளியாகும் என்று தெரிவிக்கப்பட்டுள்ளது. இலக்கியத் தரமுடன் இப்பகுதிஇருப்பதால் தொடர்ந்து இது வெளியாகும் என்று அது கூறியுள்ளது.
ஐ.ஏ.என்.எஸ்.