மேட்ச் பிக்சிங்: அமலாக்கப் பிரிவு விசாரணை தொடக்கம்

மே 22, 2000

குயிலும் மாடும்
(இரண்டாம் பாகம்)

வாலிலடி பட்டு மனமகிழ்வேன் மா வென்றே
ஓலிடு நம் பேரொலியோ டொன்றுபடக் கத்துவேன்
மேனியிலே உண்ணிகளை மேவாது கொன்றிடுவேன்
கானிடையே சுற்றிக் கழனியெலாம் மேய்ந்து நீர்
மிக்கவுண வுண்டுவாய் மென்றசைதான் போடுகையில்
பக்கத் திருந்து பலகதைகள் சொல்லிடுவேன்
காளை யெருதரே காட்டிலுயர் வீரரே
தாளைச் சரணடைந்தேன்: தையலெனைக் காத்தருள்வீர்
காதலுற்று வாடுகிறேன்: காதலுற்ற செய்தியினை
மாத ருரைத்தல் வழக்கமில்லை என்றறிவேன் (60)

ஆனாலும் என் போல் அபூர்வமாங் காதல் கொண்டால்
தானா வுரைத்தலன்றிச் சாரும் வழியுளதோ?
ஒத்த குலத்தவர் பால் உண்டாகும் வெட்கமெலாம்
இத்தரையில் மேலோர் முன் ஏழையர்க்கு நாணமுண்டோ?
தேவர் முன்னே அன்புரைக்கச் சிந்தை வெட்கங் கொள்வதுண்டோ ? (65)

காவலர்க்குத் தங்குறைகள் காட்டாரோ கீழடியார்?
ஆசைதான் வெட்கம் அறியுமோ? என்றுபல
நேசவுரை கூறி நெடிதுயர்த்துப் பொய்க்குயிலி
பண்டுபோ லேதனது பாழடைந்த பொய்ப்பாட்டை
எண்டிசையும் இன்பக் களியேறப் பாடியதே (70)

காதல், காதல், காதல்
காதல் போயிற் காதல் போயிற்

சாதல், சாதல், சாதல்
பாட்டு முடியும் வரை பாரறியேன், விண்ணறியேன்
கேட்டுப் பெருமரங்கள் கூடிநின்ற காவறியேன்!
தன்னை யறியேன், தனைப்போல் எருதறியேன்!
பொன்னை நிகர்த்த குரல் பொங்கி வரும் இன்பமொன்றே
கண்டேன், படைப்புக் கடவுளே! நான்முகனே! (75)

பண்டே யுலகு படைத்தனை நீ என்கின்றார்
நீரைப் படைத்து நிலத்தைத் திரட்டி வைத்தாய்
நீரைப் பழைய நெருப்பிற் குளிர்வித்தாய்
காற்றை முன்னே ஊதினாய் காணரிய வானவெள
தோற்றுவித்தாய், நின்றன் தொழில் வலிமையார றிவார்? (80)

உள்ளந் தான் கவ்வ ஒரு சிறிதுங் கூடாத
கொள்ளை பெரியவுருக் கொண்ட பலகோடி
வட்டவுருறைகள் போல் வானத்தில் அண்டங்கள்
எட்ட நிரப்பியவை எப்போதும் ஒட்டுகின்றாய்
எல்லா மசைவில் இருப்பதற்கே சத்திகளைப்
பொல்லாப் பிரமா, புகுத்துவிட்டாய் அம்மாவோ! (85)

காலம் படைத்தாய், கடப்பதிலாத் திக்கமைத்தாய்:
ஞாலம் பலவினிலும் நாடோறுந் தாம்பிறந்து
தோன்றி மறையும் தொடர்பாப் பல அனந்தம்
சான்ற உயிரக்ள் சமைத்துவிட்டாய், நான்முகனே!
சால மிகப்பெரிய சாதனை காண் இஃதெல்லாம்!
தாலமிசை நின்றன் சமர்த்துரைக்க வல்லார் யார்?
ஆனாலும் நின்றன் அதிசயங்கள் யாவினுமே
கானா முதம்படைத்த காட்சி மிக விந்தையடா!

(குயிலும் மாடும் மூன்றாம் பாகம் நாளை வரும்)