தமிழகத்தில் இன்று
பிரபல ஸ்கூட்டர் தயாரிப்பாளர்களான எல்.எம்.எல். நிறுவனம் தற்போது மோட்டார் சைக்கிள் உற்பத்தியில்இறங்கியுள்ளனர்.
டேலிம் என்ற பெயரில் 48 மோட்டார் சைக்கிள்களை முதற்கட்டமாக உற்பத்தி செய்துள்ள எல்.எம்.எல். நிறுவனம்அதில் நான்கை, விற்பனைக்காக பதிவு செய்த டீலர்களுக்கு அனுப்பியுள்ளது.
எல்.எம்.எல். நிறுவனம் இந்த ஆண்டு ஏப்ரலில் தனது மோட்டார் சைக்கிள் உற்பத்தியைத் தொடங்கியது. தென்கொரியாவைச் சேர்ந்த டேலிம் மோட்டார் நிறஉவனத்துடன் கூட்டு சேர்ந்து 5 வகை மோட்டார் சைக்கிள்களைஉற்பத்தி செய்ய எல்.எம்.எல். முடிவு செய்துள்ளது.
100 சி.சி. திறனில் மூன்று வகை மோட்டார் சைக்கிள்களையும், 125 சி.சி. திறனில் இரண்டு வகை மோட்டார்சைக்கிள்களையும் எல்.எம்.எல். நிறுவனம் தயாரிக்க உள்ளது.
சமீபகாலமாக ஸ்கூட்டர் விற்பனை குறைந்து வருவதை அடுத்து தனது ஸ்கூட்டர் தயாரிப்பைக் குறைத்துக் கொண்டுமோட்டார் சைக்கிள் உற்பத்தியில் அதிக கவனம் செலுத்த எல்.எம்.எல். நிறுவனம் முடிவு செய்துள்ளது. அதற்கேற்பகடந்த ஆண்டு 19,716 ஸ்கூட்டர்கள்தான் உற்பத்தி செய்யப்பட்டன. ஆனால், அதற்கு முந்தைய ஆண்டு29,437ஸ்கூட்டர்கள் உற்பத்தி செய்யப்பட்டன என்பது குறிப்பிடத்தக்கது.
நாட்டின் ஒட்டுமொத்த ஸ்கூட்டர் உற்பத்தி 10.1 சதவீதம் குறைந்துவிட்டது. விற்பனையும் 1.8 சதவீதம்குறைந்துவிட்டது. கடந்த ஆண்டு 98.151 ஸ்கூட்டர்கள் தான் விற்பனை செய்யப்பட்டன. ஆனால், அதற்குமுந்தைய ஆண்டு 1.09 லட்சம் ஸ்கூட்டர்கள் விற்பனையாயின.
நாட்டின் முதன்மையான ஸ்கூட்டர் உற்பத்தியாளர்களான பஜாஜ் ஆட்டோ நிறுவனமும் தனது ஸ்கூட்டர்உற்பத்தியை 14.14 சதவீதம் குறைத்துக் கொண்டுவிட்டது.
யு.என்.ஐ.