ஜூன் 10 முதல் ஐரோப்பிய கால்பந்து சாம்பியன்ஷிப் போட்டிகள்
ஹம்பர்க்:
ஐரோப்பிய கால்பந்து சாம்பியன்ஷிப் போட்டிகள் ஜூன் 10-ம் தேதி துவங்குகிறது.
பெல்ஜியம் மற்றும் ஹாலந்து நாடுகளில் இப் போட்டிகள் நடைபெறும். கால் இறுதிப் போட்டிக்குத் தகுதி பெறும் என்று கருதப்படும் பெல்ஜியம், ஜூன்10-ம் தேதி பிரஸ்ஸல்ஸில் நடைபெறும் போட்டியில் ஸ்வீடன் அணியை எதிர்த்து விளையாடுகிறது.
ஐரோப்பிய கண்டத்தில் உள்ள மொத்தம் 16 நாடுகள் இப்போட்டியில் கலந்து கொள்கின்றன. 228 தகுதிச் சுற்றுப் போட்டிகளுடன் மொத்தம் 258போட்டிகள் நடைபெற உள்ளன.
இதுவரை பிரான்ஸ் மட்டும் தான் ஐரோப்பிய கால்பந்து சாம்பியன்ஷிப் போட்டிகளை நடத்திய நாடு கோப்பையை வென்ற சாதனையைப் படைத்துள்ளது.1984-ம் ஆண்டு சாம்பியன்ஷிப் போட்டியை நடத்துடன் அந்த ஆண்டு சாம்பியன் பட்டத்தையும் அந்த நாடு வென்றது.
அது போன்ற சாதனையை நிகழ்த்தவேண்டும் என்ற ஆசையில் இந்த ஆண்டு ஹாலந்தும், பெல்ஜியமும் களமிறங்கியுள்ளன. ஆனால், இந்த ஆண்டு கோப்பையைவெல்ல அதிக வாய்ப்பு உள்ள அணியாக ஹாலந்து கருதப்படுகிறது.
யு.என்.ஐ.