தமிழகத்தில் இன்று

உதிரி பாகங்களின் விலையைக் குறைக்கிறது ஃபியட் நிறுவனம்

டெல்லி:

ஃபியட் உனோ, ஃபியட் சியன்னா ஆகிய கார்களின் விற்பனையை அதிகரிக்க அவற்றின் உதிரி பாகங்களின் விலையை 30 சதவீதம் குறைப்பதாக ஃபியட்இந்தியா ஆட்டோமோபைல் நிறுவனம் அறிவித்துள்ளது.

இது தொடர்பாக அந் நிறுவனம் வெளியிட்ட செய்திக்குறிப்பு:

ஃபியட் நிறுவனம் உனோ, சியன்னா ஆகிய கார்களை தயாரித்து விற்பனை செய்து வருகிறது. இக் கார்களின் விற்பனையை அதிகரிக்க உதிரி பாகங்களின்விலையை 30 சதவீதம் குறைக்கப்படுகிறது.

உதிரி பாகங்களின் விலையைக் குறைத்தால், கார்களின் விலை குறையும். மக்களும் குறைவான விலையில் கார்களை வாங்க முடியும். உள்நாட்டுத்தேவைக்கே கார்களை உற்பத்தி செய்ய நிறுவனம் முடிவு செய்துள்ள போதிலும், கார்களின் பராமரிப்புச் செலவைக் குறைக்க உதிரி பாகங்களின் விலையைக்குறைக்க முடிவு செய்யப்பட்டது.

அதன்படி, வைப்பர் பிளேடுகள், வைப்பர் ஆர்ம், டைமிங் பெல்ட், சிலிண்டர் உதிரி பாகங்கள் போன்றவற்றின் விலை குறைக்கப்படுகிறது.

கார் வாங்கவேண்டும் என்ற இந்திய மக்களின் விருப்பத்தைக் கருத்தில் கொண்டு ஃபியட் நிறுவனம் தனது சியன்னா காரின் விலையில் ரூ.30 ஆயிரத்தைசமீபத்தில் குறைத்தது என்பது குறிப்பிடத்தக்கது.

யு.என்.ஐ.