2002 உலகக் கோப்பை கால்பந்து: கவுண்ட் டவுன்" துவங்கியது

டோக்கியோ:

2002-ம் ஆண்டு கால்பந்து உலகக் கோப்பைக்கான அதிகாரப்பூர்வ கவுண்ட் டவுன்(countdown) வியாழக்கிழமை துவங்கியது.

2002-ம் ஆண்டு கால்பந்து உலகக் கோப்பையை ஜப்பான், தென் கொரிய நாடுகள்இணைந்து நடத்துகின்றன. மொத்தம் நடைபெற உள்ள 64 போட்டிகளில் இருநாடுகளும் தலா 32 போட்டிகளை நடத்துகின்றன.

முதல் போட்டி ஜூன் முதல் தேதி தென் கொரிய தலைநகர் சியோலில் நடைபெறுகிறது.இறுதிப் போட்டி ஜூன் 30-ம் தேதி ஜப்பானில் உள்ள யோகஹாமா நகரில்நடைபெறுகிறது.

போட்டி தொடங்க இன்னும் 730 நாட்கள் இருக்கின்றன என்ற தகவல் பலகைடோக்கியோவில் வியாழக்கிழமை வைக்கப்பட்டது. இதன் மூலம் இந்த உலகக்கோப்பை கால்பந்து போட்டிக்கான அதிகாரப்பூர்வ கவுண்ட் டவுன் துவங்கியது.

உலகக் கோப்பை கால்பந்து போட்டிகள் ஜப்பானில் 10 மைதானங்களில் நடைபெறஉள்ளன. இறுதிப் போட்டி நடைபெற உள்ள யோகஹாமா மற்றும் ஒசாகா, மியாகிஆகிய நகரங்களில் மைதானங்கள் தயாராகிவிட்டன. இன்னும் 7 நகரங்களில்மைதாங்கள் தயாராகி வருகின்றன. கடைசி மைதானம் கோபேயில் 2001-ம் ஆண்டுஅக்டோபரில் தயாராகும் என்று எதிர்பார்க்கப்படுகிறது.