யூரோ 2000 கோப்பையை இங்கிலாந்து வெல்லும் - பீலே ஆரூடம்

மாட்ரிட்:

பெல்ஜியம் மற்றும் ஹாலந்தில் இம் மாதம் நடைபெற உள்ள யூரோ 2000 கால்பந்துப் போட்டியில் இங்கிலாந்து வெற்றி பெற்று கோப்பையைவெல்லும் என்று முன்னாள் கால்பந்து வீரர் பீலே கூறியுள்ளார்.

ஸ்பெயின் நாட்டில் வெளியாகும் விளையாட்டுப் பத்திரிக்கைக்கு அவர் அளித்த பேட்டி:

இப்போது நடைபெற உள்ள யூரோ 2000 கால்பந்துப் போட்டியில் இங்கிலாந்து வெற்றி பெற்று கோப்பையை வெல்லும். தற்போதைய சாம்பியனானஜெர்மனிக்கு மீண்டும் கோப்பையை வெல்ல வாய்ப்பு குறைவு.

இங்கிலாந்து, ஸ்பெயின், ஹாலந்து ஆகியவை முறையே முதலாவது, இரண்டாவது, மூன்றாவது இடங்களைப் பெறும். இதுவரை யூரோ கால்பந்துக்கோப்பையை இங்கிலாந்து வெல்லவில்லை என்றாலும், இந்த முறை அவர்களுக்கு அதிக வாய்ப்புள்ளது. ஏனெனில் அவர்கள் நன்றாகப் பயிற்சி பெற்றுபுதிய தெம்புடன் உள்ளனர் என்றார் பீலே.

ராய்டர்ஸ்.