• search
For Quick Alerts
ALLOW NOTIFICATIONS  
For Daily Alerts

தமிழகத்தில் இன்று

By Staff
|
கே: முதலமைச்சராக இருப்பவர் மற்ற அதிகாரிகளை நம்பித்தான் செயல்பட வேண்டியுள்ளது. கலர் டி.வி வழக்கில் ஜெயலலிதாவைக்குற்றவாளியாகக் கருதினால், தமிழகத்தில் யாருமே முதலமைச்சராக நீடிக்க முடியாது என்று அதிரடியாக தீர்ப்புவழங்கப்பட்டுள்ளது பற்றி...?

ப: நடக்கிற குற்றம் எதுவாக இருந்தாலும், அதற்கு அதிகாரிகள்தான் பொறுப்பு என்று கருதிவிட்டால், அதன் பின்னர் ஒருவருமேஅதிகாரியாக நீடிக்க முடியாது.

கே: பத்திரிக்கையாளர்களுக்கும் சிறை தண்டனை அளிக்கும் பயங்கரவாத தடுப்பு மசோதாவை கொண்டு வர, மத்திய அரசுதிட்டமிட்டுள்ளதே..?

ப: தீவிரவாதிகளைப் பற்றிய தகவல் அளித்த பத்திரிக்கையாளர்கள், அது பற்றிய விவரங்களை அரசுக்குத் தர மறுத்தால் தண்டனை- என்பது மசோதாவின் ஷரத்துக்களில் ஒன்று. இதில் தவறு இருப்பதாக நான் நினைக்கவில்லை. பத்திரிக்கையாளர்களும் குடிமக்களே.நாட்டின் சட்ட திட்டங்களுக்கு உட்பட்டவர்களே!

கே: தொலைத் தொடர்பு ஊழியர்களுக்கு இலவச தொலைபேசி இணைப்பு வழங்கப்படும் - என்ற அமைச்சர் ராம் விலாஸ் பாஸ்வானின்அறிவிப்பு குறித்து...?

ப: பொறுப்பின்மைக்கு நல்ல உதாரணம்.

கே; நான் எனது வாழ்க்கைக்கு வழி காட்டியாக தங்களை ஏற்றுக் கொண்டிருக்கிறேன். உருப்படுவேனா?

ப: உருப்பட்டால் எனக்குத் தெரிவியுங்கள். அதன் பிறகு நானும் தைரியமாக என்னை வழிகாட்டியாக ஏற்றுக் கொள்வேன்.

கே: பத்திரிக்கைத் தொடருக்கும், தொலைக்காட்சித் தொடருக்கும் உள்ள வித்தியாசம் என்ன?

ப: டி.வி. தொடர் மாதிரி, பத்திரிக்கைத் தொடர் அமையாது. ரொம்ப கஷ்டம். உதாரணமாக டி.வி. தொடரில் ஒருவன் தனதுகாரியாலயத்திற்கு போகிறான் - என்பதை எப்படிக் காட்டுகிறார்களோ, அதே போல் பத்திரிக்கையில் எழுத வேண்டுமென்றால்,எப்படி எழுதுவது?அவன் வீட்டு வாசலுக்கு வந்தான்.: தெருவில் இறங்கினான்: ஒரு அடி எடுத்து வைத்தான்: அடுத்த அடி எடுத்துவைத்தான்: அதற்கும் அடுத்த அடி எடுத்து வைத்தான் ... என்று அரை மணி நேரம் படிக்கிற மாதிரி எழுத முடியுமா?

கே: சிம்பன்சி குரங்குகள் வருங்காலத்தில் பேசுமாமே? என்ற கேள்விக்கு, அது தான் பேசிக் கொண்டு இருக்கிறோமே என்றுபதில் அளித்துள்ளீர்களே .. பேசிக் கொண்டிருக்கிறேன் என்று தானே பதில் அளித்திருக்க வேண்டும்...?

ப: அந்த மாதிரி சொன்னால், உங்கள் பெருமையை நான் குறைத்து மதிப்பிட்டு விட்டதாக உங்களுக்குக் கோபம் வருமே?

கே; இனிமேல் டி.வி.யில் கிரிக்கெட் பார்ப்பதாக உத்தேசம் உண்டா?

ப: ஓ! பார்ப்பேனே! என்ன வந்து விட்டது? டி.வி.யில் நாடகங்கள் பார்ப்பதில்லையா? அவற்றுக்கு நடுவில் வருகிற லாட்டரி சீட்டுபோன்ற சூதாட்ட விளம்பரங்களைப் பார்ப்பதில்லையா? அந்த மாதிரி இதையும் பார்த்தால் போயிற்று.

கே: கபில் தேவ் மீது மனோஜ் பிரபாகர் கூறிய குற்ற்ச்சாட்டு இருக்கட்டும்; தனிப்பட்ட முறையில் கபில்தேவ் மீது தங்கள்எண்ணம் எப்படிப்பட்டது...?

ப: உயர்ந்ததாகத்தான் இருந்தது. இப்போது. ஒன்றும் புரியவில்லை. யார் எப்படிப்பட்டவர்? எது நிஜம் என்பதெல்லாம் புரியாதவிஷயமாகத்தான் இது இருக்கிறது. இறுதியில் எல்லாம் தெளிவாகி விடும் - என்ற நம்பிக்கையுமில்லை.

கே: வி.பி.சிங் அரசியல்: சுர்ஜித் சிங் அரசியல் - என்ன வித்தியாசம்?

ப: அரசியல் தீமை செய்வது, முதலாமவரின் இயல்பு: இரண்டாமவரின் தொழில்.

கே: மீன் சாப்பிட்டால் மூளை வளரும் என்ற இங்கிலாந்து விஞ்ஞானியின் கண்டுபிடிப்பு எதைக் காட்டுகிறது?

ப: முதலைக்கு இருக்கிற மூளை வளர்ச்சி வேறு யாருக்கும் இருக்க முடியாது என்பதைக் காட்டுகிறது.

கே; தொண்டரடிப் பொடி ஆழ்வாரைப் போல கலைஞரடிப் பொடி ஆழ்வார் துரைமுருகன் - என்று கவிஞர் வைரமுத்துபாராட்டுகிறாரே?

ப: கலைஞரை, தொண்டருக்குச் சமானமாகப் பேசியிருக்கிறார் வைரமுத்து. நல்லதுக்கில்லை.

கே: சிவகாசி மக்களுக்கு சேவை செய்ய வைகோ எம்.பி. ஆனாரா? இல்லை யாழ்ப்பாண காடுகளில் திரியும் விடுதலைப் புலிகளுக்குசேவை செய்ய எம்.பி. ஆனாரா? எனக் கேட்டுள்ளாரே சுப்ரமண்யம் ஸ்வாமி! இதுபற்றி...?

ப: வைகோ தமிழக எம்.பி. தமிழகத்தையே யாழ்ப்பாணம் ஆக்கிவிட வேண்டும் என்பது அவருடைய தணியாத ஆசை.

கே: பயங்கரவாதச் செயல்களைத் தடுக்க புதிய சட்டம் கொண்டு வருவதற்கு, மத்திய சட்ட அமைச்சர் ராம் ஜெத்மலானி எதிர்ப்புதெரிவித்துள்ளது சரியா?

ப: அவர் புரிகிற வாதம், பயங்கரமாக இருக்கிறது.

கே; தி.மு.க., ம.தி.மு.க., உறவில் நெருடல் ஏற்படுத்த முடியாது என்று வைகோ கூறியுள்ளது பற்றி...?

ப: வரட்டும்: தேர்தல் அறிவிக்கப்பட்டு சீட்டு பேரம் நடக்கிற நேரம் வரட்டும்.

கே; மனிதாபிமான உதவி என்றால் என்ன?

ப: நீங்கள் அடி வாங்குகிற போது, அதைப் பார்த்து, நான் குறுக்கிட்டு அடிப்பவனை தடுத்து நிறுத்தினால் - அது உருப்படியான உதவி.நீங்கள் அடி வாங்கிய பிறகு , வீடு போய்ச் சேர உங்களுககு நான் உதவினால் - அது மனிதாபிமான உதவி.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

lok-sabha-home

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more