தமிழகத்தில் இன்று

ஏ.ஆர். ரஹ்மானுக்கு சிறந்த இசையமைப்பாளர் என்ற விருது அமெரிக்காவில் வழங்கப்பட்டது.

இசையமைப்பாளர் ஏ.ஆர்.ரஹ்மான் ஏற்கனவே தமிழக அரசு விருதையும், தேசிய விருதையும், பெற்றிருக்கிறார். இந்த ஆண்டு பத்மஸ்ரீ விருதையும்பெற்றார்.

தமிழ், தெலுங்கு, இந்திப் படங்களில் அவர் இசையமைத்திருக்கிறார். அவரது இசையில் கடந்த ஆண்டு வெளியான இந்திப்படம் தால் ஐஸ்வர்யாராய் நடித்து, சுபாஷ்கை இயக்கிய படம் இது.

இப்படத்தின் பாடல்கள் அமெரிக்காவில் அதிக அளவு ரசிகர்களை கவர்ந்து சாதனை படைத்துள்ளது.

இதைத்தொடர்ந்து அமெரிக்காவுக்கு வெளியே அதிக அளவு இசை ரசிகர்களை கவர்ந்த இசை அமைப்பாளர் என்ற விருது ஏ.ஆர்.ரஹ்மானுக்குவழங்கப்பட்டது.

நியுயார்க் நகரில் நடந்த இந்த நிகழ்ச்சிக்கு ஏஆர் ரஹ்மான் நேரில் சென்று விருதைப் பெற்றுக்கொண்டார்.

பெஸ்ட் மியூசிக் டைரக்டர் பாலிவுட் 2000 என்ற விருதாக அழகான கண்ணாடி சிலை அவருக்கு வழங்கப்பட்டது.