தமிழகத்தில் இன்று

ஞிணிடூணிணூ="ஆடூதஞு">

ஐய! நின் மைந்தனுக் கில்லைகாண் - அவர்
அர்க்கியம் முற்படத் தந்ததே இந்த
வையகத் தார்வியப் பெய்தவே - புவி
மன்னவர் சேர்ந்த சபைதனில் - மிக
நொய்யதோர் கண்ணனுக் காற்றினர் - மன்னர்
நொந்து டனங்குன்றிப் போயினர் - பணி
செய்யவும் கேலிகள் கேட்கவும் - உன்றன்
சேயினை வைத்தனர் பாண்டவர் (67)

பாண்டவர் செல்வம் விழைகின்றான் - புவிப்
பாரதத்தை வேண்டிக் குழைகின்றான் - மிக
நீண்ட மகிதவம் முற்றிலும் - உங்கள்
நேமி செலும்புகழ் கேட்கின்றான் - குலம்
பூண்ட பெருமை கெடாதவா - றெண்ணிப்
பொங்குகின் றான்நலம் கேட்கின்றான் -மைந்தன்
ஆண்டகைக் கிஃது தகுமன்றோ? - இல்லை
யாமெனில் வையம் நகுமன்றோ? (68)

நித்தங் கடலினிற் கொண்டுபோய் - நல்ல
நீரை அளவின்றிக் கொட்டுமாம் - உயர்
வித்தகர் போற்றிடும் கங்கையா - றது
வீணிர் பொருளை யழிப்பதோ ? - ஒரு
சத்த மிலாநடுங்காட்டினில் - புனல்
தங்கிநிற் குங்குளம் ஒன்றுண்டாம் - அது
வைத்ததன் நீரைப் பிறர்கொளா - வகை
வாரடைப் பாசியில் மூடியே. (69)