அரையிறுதியில் வில்லியம்ஸ் சகோதரிகள், டேவன்போர்ட்
விம்பிள்டன் டென்னிஸ் போட்டியின் பெண்கள் அரையிறுதியில் விளையாட வில்லியம்ஸ் சகோதரிகள் செரீனா,வீனஸ் மற்றும் டேவன்போர்ட், டோகிக்ஆகியோர் தகுதி பெற்றுள்ளனர்.
செவ்வாய்க்கிழமை நடந்த கால் இறுதி ஆட்டங்களில் இவர்கள் வெற்றி பெற்றனர். வீனஸ் வில்லியம்ஸ், டேவன்போர்ட் இருவரும் வெற்றி பெறகடுமையாகப் போராடி வேண்டியிருந்தது.
ஏனெனில் மார்ட்டினா ஹிங்கிஸை வீனஸ் வில்லியம்ஸும், மோனிகா செலஸை டேவன்போர்டும் எதிர்த்து விளையாடினர்.
மார்ட்டினா ஹிங்கிஸுக்கு எதிரான ஆட்டத்தில் 6-3, 4-6, 6-4 என்ற செட் கணக்கில் வீனஸ் வில்லியம்ஸ் வெற்றி பெற்றார். மோனிகாசெலஸுக்கு எதிரான ஆட்டத்தில் 6-7 (4-7), 6-4, 6-0 என்ற செட் கணக்கில் டேவன்போர்ட் வெற்றி பெற்றார்.
லிஸா ரேமண்டை செரீனா வில்லியம்ஸ் 6-2, 6-0 என்ற செட் கணக்கில் எளிதாக வென்று அரையிறுதியில் முதல் நபராக நுழைந்தார். மற்றொருஆட்டத்தில் ஜெலீனா டோகிக் 6-3, 6-1 என்ற செட் கணக்கில் மேகி செர்னாவைத் தோற்கடித்தார்.
வெள்ளிக்கிழமை நடைபெறும் அரையிறுதி ஆட்டங்களில் வீனஸ் வில்லியம்ஸ் தனது சகோதரி செரீனா வில்லியம்ஸை எதிர்த்தும், மற்றொரு ஆட்டத்தில்ஜெலீனா டோகிக்கும், டேவன்போர்டும் மோதுகின்றனர்.
ஆண்களுக்கான கால் இறுதி ஆட்டங்கள் புதன்கிழமை நடைபெறுகின்றன.