யோகம் பயிலுவோம்
ஆடியோ கேஸட் தயாரிப்பில் நுழைகிறது ஆர்ச்சீஸ் நிறுவனம்
மும்பை:
உலகப் புகழ் பெற்ற ஆர்ச்சீஸ் வாழ்த்து அட்டைகள் மற்றும் பரிசுப் பொருட்களைத் தயாரித்து வரும் ஆர்ச்சீஸ் அண்ட் கிஃப்ட்ஸ் லிமிடெட் நிறுவனம் ஆடியோகேஸட் தயாரிப்பில் ஈடுபட முடிவு செய்துள்ளது.
இது தொடர்பாக அந் நிறுவனத்தின் ஆர்ச்சீஸ் மியூசிக் பிரிவு பொது மேலாளர் பிரவீன் சேதி கூறியதாவது:
எங்கள் நிறுவனத்தின் ஆர்ச்சீஸ் கார்டுகளுக்கும், பரிசுப் பொருட்களுக்கும் உலகம் முழுவதும் நல்ல வரவேற்பு உள்ளது. இந்த வரவேற்பைப் பயன்படுத்திஆடியோ கேஸட் தயாரிப்பிலும் ஈடுபட முடிவு செய்யப்பட்டுள்ளது.
உலகம் முழுவதும் எங்கள் நிறுவனத்துக்கு நல்ல விற்பனைத் தொடர்பு மையங்கள் உள்ளதால், நாங்கள் தயாரிக்கும் ஆடியோ கேஸட்டுகளை விற்பனைசெய்ய எங்களுக்கு எந்தப் பிரச்சினையும் இருக்காது என்று கருதுகிறோம்.
ஆடியோ கேஸட் தயாரிப்பை அடுத்து உலகில் முன்னணியில் உள்ள பாப் பாடகர்களுடன் ஒப்பந்தம் செய்து கொள்ளப்பட்டுள்ளது. இளம் இசைக்கலைஞர்களுடனும் பேச்சு நடத்தப்பட்டு வருகிறது. விரைவில் கேஸட்டுகள் வெளியிடப்படும்.
நல்ல இசையைக் கேட்க விரும்பும் இக்கால இளைஞர்களை இலக்காக வைத்து நல்ல இசை கேஸட்டுகள் விற்பனை செய்யப்படும். குறிப்பாக மேற்கத்தியஇசைக்கு இளைஞர்களிடம் நல்ல வரவேற்பு உள்ளது. அந்த வகையில் அதிக அளவில் பாப் இசை கேஸட்டுகளைத் தயாரித்து விற்க முடிவு செய்யப்பட்டுள்ளதுஎன்றார் பிரவீன் சேத்தி
யு.என்.ஐ.