தமிழகத்தில் இன்று

9 புதிய மாடல்களில் பானசோனிக் டிவிக்கள்

கல்கத்தா:

பானசோனிக் என்ற பெயரில் டிவி, டேப்ரெக்கார்டர் போன்ற மின்னணுச் சாதனஙகளைத் தயாரித்து வரும் மட்சுஷிடா டெலிவிஷன் மற்றும்ஆடியோ இந்தியா நிறுவனம் இந்த ஆண்டில் மேலும் 9 புதிய மாடல்களில் கலர் டிவிக்களைத் தயாரித்து விற்பனை செய்ய உள்ளது.

கடந்த நிதி ஆண்டில் மட்சுஷிடா நிறுவனத்தின் டிவி விற்பனை 71 சதவீதம் அதிகரித்தது. பானசோனிக் டிவிக்களுக்கு மக்களிடையே ஏற்பட்டுள்ளவரவேற்பைப் பயன்படுத்திக் கொள்ளும் வகையில் மேலும் 9 மாடல்களில் டிவிக்களைத் தயாரித்து விற்க அந் நிறுவனம் முடிவு செய்துள்ளது.

அனைத்து புதிய மாடல் டிவிக்களும், இந்திய விற்பனைச் சந்தைக்கு ஏற்ற வகையில் தயாரிக்கப்படும் என்று அந் நிறுவன அதிகாரிகள்தெரிவித்தனர். அனைத்து மாடல்களும், மற்ற நிறுவனங்களின் டிவிக்களை விட சிறந்த முறையில் தயாரிக்கப்படும் என்று அவர்கள் தெரிவித்தனர்.

கடந்த ஆண்டு டிவி விற்பனையைப் போல் டேப் ரெக்கார்டர்களின் விற்பனையும் அதிகரித்துள்ளது. கடந்த ஆண்டின் டேப் ரெக்கார்டர்களின் விற்பனை227 சதவீதமாக உயர்ந்தது என்பது குறிப்பிடத்தக்கது.

யு.என்.ஐ.