தமிழகத்தில் இன்று

கனரா வங்கியில் ஜெ., சசிகலாவின் டெபாசிட் மழை

சென்னை:

ஜெயலலிதா, சசிகலா வங்கி கணக்குகளில் கிட்டத்தட்ட தினசரி, லட்சம் லட்சமாகபணம் டெபாசிட் செய்யப்பட்டது என்று தனி நீதிமன்றத்தில் கனரா வங்கி அதிகாரிசாட்சியம் அளித்தார்.

வருமானத்திற்கு அதிகமாக ரூ. 66.5 கோடிக்கு சொத்துக்கள் சேர்த்ததாக முன்னாள்முதல்வர் ஜெயலலிதா, அவரது தோழி சசிகலா, மாஜி வளர்ப்பு மகன் சுதாகரன், சசிகலாஅண்ணி இளவரசி ஆகியோர் மீது வழக்குத் தொடரப்பட்டுள்ளது.

இவ்வழக்கு முதலாவது தனி நீதிமன்றத்தில் விசாரிக்கப்பட்டு வருகிறது.வெள்ளிக்கிழமை இவ்வழக்கில் மயிலாப்பூர் கிளை கனரா வங்கியின் மேலாளர்வித்யாசாகர் சாட்சியம் அளித்தார்.

கனரா வங்கியில் ஜெயலலிதா, சசிகலா பெயர்களில் உள்ள கணக்குகளில்பதிவாகியிருந்த வங்கி நடவடிக்கைகள் விவரத்தை அவர் நீதிமன்றத்தில் சமர்ப்பித்தார்.

ஜெயலலிதா, சசிகலா பங்குதாரர்களாக உள்ள ஜெயா பப்ளிகேஷன்ஸ் நிறுவனத்தின்நடப்புக் கணக்கு 1.7.1991ல் தொடங்கப்பட்டது. 7 லட்சத்து 83 ஆயிரத்து 860 ரூபாய்செலுத்தப்பட்டது. அதன் பின்னர் 91-ம் ஆண்டு ஆகஸ்ட் மாதம் 2-ம் தேதி 4.20லட்சம், 12-ம் தேதி 7 லட்சம், 27-ம் தேதி 1.80 லட்சம், நவம்பர் 18-ம் தேதி 4.6 லட்சம்,92-ம் ஆண்டு மே 5-ம் தேதி 6.27 லட்சம், 13-ம் தேதி 5.20 லட்சம், 22-ம் தேதி 8.70லட்சம்.

29-ம் தேதி 7 லட்சம், 93-ம் ஆண்டு பிப்ரவரி 2ம் தேதி 8.68 லட்சம், 94-ம் ஆண்டுஜூலை 8-ம் தேதி 3.48 லட்சம், 95-ம் ஆண்டு ஜனவரி 24-ம் தேதி 2.50 லட்சம், மார்ச்29-ம் தேதி 15.60 லட்சம், 30-ம் தேதி 20.50 லட்சம், 31-ம் தேதி 6.18 லட்சம், 96-ம்ஆண்டு ஏப்ரல் 30-ம் தேதி 20.79 லட்சம் போடப்பட்டது.

இதே காலகட்டத்தில் நமது எம்.ஜி.ஆர். பத்திரிகை பெயரிலான கணக்கில் இருந்துசசிகலாவின் சேமிப்பு கணக்கிற்கு பணம் மாற்றப்பட்டது. அது 93-ம் ஆண்டு ஜூலை28ம் தேதி 18 லட்சம், செப்டம்பர் 22ம் தேதி 4 லட்சம், அக்டோபர் 22ம் தேதி 10லட்சம், 94ம் ஆண்டு மார்ச் 15ம் தேதி 50 ஆயிரம், ஏப்ரல் 29ம் தேதி 10 லட்சம்,ஜூலை 8ம் தேதி 10 லட்சம்.

15ம் தேதி 5 லட்சம், ஆகஸ்ட் 8ம் தேதி 10 லட்சம், செப்டம்பர் 22ம் தேதி 5 லட்சம்,95ம் ஆண்டு ஜனவரி 18ம் தேதி 6 லட்சம், பிப்ரவரி 22ம் தேதி 10 லட்சம், மார்ச் 7ம்தேதி 10 லட்சம், மே 8ம் தேதி 15 லட்சம், ஜூலை 13ம் தேதி 10 லட்சம், செப்டம்பர்20ம் தேதி 10 லட்சம் என்று 96ம் ஆண்டு வரை நமது எம்ஜிஆர் பத்திரிகை கணக்கில்போடப்பட்ட பணம், சசிகலாவின் கணக்கிற்கு மாற்றப்பட்டது என்றார் அவர்.