தமிழகத்தில் இன்று

அ.தி.மு.க. கூட்டணி தொடரும் என்கிறார் இளங்கோவன்

காவை:

தமிழகத்தில் வரவிருக்கும் சட்டசபைத் தேர்தலில் அ.தி.மு.க. காங்கிரஸ் கூட்டணிநீடிக்கும் என்று தமிழக காங்கிரஸ் தலைவர் இளங்கோவன் தெரிவித்துள்ளார்.

கோவையில் செவ்வாய்க்கிழமை அவர் நிருபர்களுக்கு அளித்த பேட்டி:

விடுதலைப் புலிகளின் தலைவர் பிரபாகரனை கைது செய்ய வேண்டும் என்றஅ.தி.மு.கவின் கருத்தை காங்கிரஸ் வரவேற்கிறது. தற்போது தனி ஈழத்துக்கு குரல்கொடுப்பவர்கள், தனித் தமிழ்நாடு கேட்க மாட்டார்கள் என்பது என்ன நிச்சயம்?

வரவிருக்கும் தேர்தலில் அ.தி.மு.க. காங்கிரஸ் கூட்டணி தொடரும். ஆகஸ்டு மாதம்5-ம் தேதி சோனியா காந்தி கோவையில் நடக்கும் காமராஜர் பிறந்த நாள் விழாவில்கலந்து கொள்வார். காங்கிரஸில் கோஷ்டி பூசல் எதுவும் இல்லை என்றார்.