தமிழகத்தில் இன்று

1 வயது குழந்தைக்கு கேடராக்ட் அறுவை சிகிச்சை

கோவை:

கோவை லோட்டஸ் மருத்துவமனையில் ஒரு வயதுக் குழந்தைக்கு கேட்ராக்ட் அறுவை சிகிச்சை நடந்தது.

கோவை அருகே உள்ள பல்லடத்தைச் சேர்ந்தவர் நித்யாகுமார். இவரது ஒரு வயது குழந்தை நிவேதாவுக்கு பிறவியிலேயே கண்புரை நோய் (கேட்ராக்ட்)இருப்பது தெரியவந்தது.

பொதுவாக மிகவும் வயதானவர்களுக்கு வரும் நோய் இக் குழந்தைக்கு வந்திருப்பதை அறிந்த டாக்டர்கள், ஆச்சரியமடைந்தனர்.

பின்னர், இக் குழந்தைக்கு டாக்டர் கீதா சிவராஜ், சாய் முரளி ஆகியோர் அறுவை சிகிச்சை அளித்தனர். மேலும், கண்களில் லென்ஸ் பொருத்தி சரி செய்தனர். கடந்தநான்கு ஆண்டுகளில் இது போன்று 6 குழந்தைகளுக்கு இந்த மருத்துவமனையில் அறுவை சிகிச்சை பெற்றுள்ளது.