தமிழகத்தில் இன்று

டேவிஸ் கோப்பை டென்னிஸ் இறுதிச் சுற்றில் ஆஸ்திரேலியா

பிரிஸ்பேன்:

டேவிஸ் கோப்பைக்கான டென்னிஸ் போட்டியின் இறுதிச் சுற்றில் விளையாட நடப்புச் சாம்பியன் ஆஸ்திரேலியா தகுதி பெற்றது.

பிரேஸிலுக்கு எதிராக ஞாயிற்றுக்கிழமை முடிவடைந்த அரையிறுதிச் சுற்று ஆட்டத்தில் ஆஸ்திரேலியா 5-0 என்ற கணக்கில் வெற்றி பெற்றது.

ஏற்கெனவே இரு ஒற்றையர் மற்றும் இரட்டையர் ஆட்டங்களில் வென்று 3-0 என்ற கணக்கில் முன்னிலையில் இருந்த ஆஸ்திரேலியாஞாயிற்றுக்கிழமை நடைபெற்ற இரு மாற்று ஒற்றையர் ஆட்டங்களிலும் வெற்றி பெற்றது.

இதையடுத்து 5-0 என்ற கணக்கில் வெற்றி பெற்றி இறுதிச் சுற்று ஆட்டத்துக்குத் தகுதி பெற்றது.

மற்றொரு அரையிறுதிச் சுற்றில் ஸ்பெயினும், அமெரிக்காவும் விளையாடுகின்றன. இந்த சுற்றில் வெற்றி பெறும் அணியுடன் டிசம்பரில் நடைபெறும் இறுதிச் சுற்று ஆட்டத்தில் ஆஸ்திரேலியா மோதும்.