தமிழகத்தில் இன்று

இன்று சந்திரகிரகணம்

டோக்கியோ:

150 ஆண்டுகளுக்குப் பிறகு அரிய, முழு சந்திர கிரகணம் ஞாயிற்றுக்கிழமை இரவு ஏற்படுகிறது. ஜப்பானில் இந்த சந்திர கிரகணம் நீண்ட நேரம்தெரியும் என்று கூறப்படுகிறது.

சந்திர கிரணம் ஜப்பானிலும், ஆஸ்திரேலியாவிலும் முழுமையாகத் தெரியும். ஆகவே, இதை நேரடியாக தொலைக்காட்சியிலும், இன்டர்நெட்டிலும் ஒளிபரப்பஅந்தந்த நாட்டு நிபுணர்கள் முயற்சி மேற்கொண்டுள்ளனர்.

இந்த சந்திர கிரகணம் ஜப்பானில் நீண்ட நேரம் தெரியும் என்று எதிர்பார்க்கப்படுகிறது. இந்திய நேரப்படி மாலை 5.27 மணிக்கு கிரகணம் துவங்குகிறது.இரவு 9.24 மணிக்கு முடிகிறது. ஜப்பானில் மட்டும் சுமார் 1 மணி 47 நிமிடங்களுக்கு இந்த சந்திர கிரகணம் தெரியும் என்று நிபுணர்கள் கூறியுள்ளனர்.1859-ம் ஆண்டுக்குப் பிறகு ஜப்பானில் நீண்ட நேரம் தெரியும் சந்திர கிரகணம் இது என்பது குறிப்பிடத்தக்கது.

சந்திர கிரகணத்தை முழுமையாகவும் நேரடியாகவும் ஒளிபரப்ப ஆஸ்திரேலியா மற்றும் ஜப்பானில் 8 இடங்களில் டெலஸ்கோப்புகள் வைக்கப்பட்டுள்ளன.ஞாயிற்றுக்கிழமை நள்ளிரவுக்குப் பின் ஏற்படும் இந்த சந்திர கிரகணம் திங்கள்கிழமை அதிகாலை வரை தெரியும். இதேபோல் தொடக்கம் முதல்முடிவு வரை ஒரு சந்திர கிரகணத்தைப் பார்க்க ஜப்பானியர்கள் மேலும் 10 ஆண்டுகள் காத்திருக்கவேண்டும்.