தமிழகத்தில் இன்று

ஆனந்த் - கிராம்னிக் சாம்பியன்

டார்ட்மண்ட் (ஜெர்மனி):

ஸ்பார்கஸன் செஸ் போட்டியில் இந்தியாவின் விஸ்வநாதன் ஆனந்த் மற்றும் ரஷ்யாவின் விளாடிமிர் கிராம்னிக் இருவரும் முதலிடம் பெற்றனர்.

8-வது சுற்றின் முடிவில் 5 புள்ளிகளுடன் இரண்டாம் இடத்தில் இருந்த ஆனந்த், கடைசிச் சுற்றில் ஜெர்மனியின் ராபர்ட் ஹப்னரை எதிர்த்து விளையாடினார்.வெள்ளைக் காய்களுடன் விளையாடிய ஹப்னர், 39-வது நகர்த்தலில் தனது தோல்வியை ஒப்புக் கொண்டு வெளியேறினார். இதையடுத்து ஆனந்த் 6 புள்ளிகள்பெற்றார்.

மற்றொரு ஆட்டத்தில் 5.5 புள்ளிகளுடன் முதலிடத்தில் இருந்த முதல் நிலை ஆட்டக்காரர் கிராம்னிக், ஃபிடே உலக சாம்பியன் அலெக்சாண்டர்காலிஃப்மெனை எதிர்த்து விளையாடினார். 15-வது நகர்த்தலுக்குப் பிறகு இருவரும் டிரா செய்து கொள்ள ஒப்புக் கொண்டனர். இதையடுத்து இருவருக்கும் தலா.5 புள்ளிகள் கிடைத்தன.

தலா 6 புள்ளிகள் எடுத்த ஆனந்த், கிராம்னிக் இருவரும் ஸ்பார்கஸன் செஸ் பட்டத்தைக் கூட்டாக வென்றனர். கடந்த முறை நடந்த போட்டியிலும் இருவரும்கூட்டாகப் பட்டம் பெற்றனர் என்பது குறிப்பிடத்தக்கது.

5 புள்ளிகள் எடுத்திருந்த பீட்டர் லேகோ கடைசி சுற்றில் கம்ப்யூட்டருடன் நடந்த ஆட்டத்தில் தோல்வியடைந்ததால் 3-ம் இடம் பெற்றார். ஆடம்ஸ்,அகோபியன் ஆகியோரும் தலா 5 புள்ளிகள் எடுத்து 3-ம் இடம் பெற்றனர்.

ஸ்பார்கஸன் போட்டியில் வெற்றி பெற்றதன் மூலம் உலக தரப் பட்டியலில் ஆனந்த்துக்கு அதிக புள்ளிகள் கிடைத்துள்ளன. இது தவிர, உலக தரப்பட்டியலில் இரண்டாம் இடத்தில் உள்ள கிராம்னிக்கை முந்துவதற்கு அவருக்கு 8 புள்ளிகளே தேவை.

அடுத்து செப்டம்பர் மாதம் சீனாவில் நடைபெற உள்ள செஸ் உலகக் கோப்பைப் போட்டியில் ஆனந்த் பங்கு கொள்கிறார். அக்டோபர் மாதம் லண்டனில்நடைபெறும் ஆட்டத்தில் கிராம்னிக்கும், உலக சாம்பியன் காஸ்பரோவும் மோதுகின்றனர்.

யு.என்.ஐ.