தமிழகத்தில் இன்று

கமீலாவைக் கல்யாணம் செய்யும் ஐடியாவில் சார்லஸ் இல்லை

லண்டன்:

காதலி கமீலாவைத் திருமணம் செய்து கொள்ளும் எண்ணத்தில், இங்கிலாந்து இளவரசர் சார்லஸ் இல்லை. இது தொடர்பாக பத்திரிக்கையில் வந்துள்ள செய்தியில்உண்மையில்லை என்று சார்லஸின் மூத்த உதவியாளர் தெரிவித்துள்ளார்.

மனைவி டயானா, 1997-ம் ஆண்டு பிரான்ஸ் தலைநகர் பாரீஸில் ஒரு கார் விபத்தில் மரணமடைந்ததை அடுத்து தனிமையில் இருந்த சார்லஸ், கமீலா பார்க்கர்பெளல்ஸ் என்ற பெண்ணுடன் நட்பு கொண்டார்.

இந்த நட்பு காதலாக மாறியது. நீண்ட நாட்களாக இருவருடைய காதலும் வெளி உலகுக்குத் தெரியாமல் இருந்தது. ஆனால், கடந்த ஒன்றரை ஆண்டுகளாகஇருவரும் வெளி நிகழ்ச்சிகளிலும், விருந்துகளிலும் ஒன்றாகக் கலந்து கொண்டனர். தியேட்டர்களுக்குக் கூட இருவரும் சேர்ந்தே சென்றனர்.

இருவரும் விரைவில் திருமணம் செய்து கொள்வார்கள் என்று பேச்சு எழுந்தது. இதை இரு தரப்பினரும் மறுக்கவோ அல்லது ஒப்புக் கொள்ளவோஇல்லை.

சார்லஸின் காதல் குறித்து இங்கிலாந்து மக்களிடம் எடுக்கப்பட்ட கருத்துக் கணிப்பில் காதலை அவர்கள் தவறா எடுத்துக் கொள்ளவில்லை என்று தெரியவந்தது. இந் நிலையில், பிரிட்டிஷ் சண்டே பத்திரிக்கை சமீபத்தில் ஒரு செய்தியை வெளியிட்டது.

சார்லஸும் கமிலாவும் விரைவில் திருமணம் செய்து கொள்ள உள்ளதாகவும், இதுதொடர்பாக ஸ்காட்லாந்தில் உள்ள ஒரு தேவாலயத்துடன் ரகசியப் பேச்சுவார்த்தை நடத்தி வருவதாகவும் செய்தி வெளியிட்டது.

இதை சார்லஸின் மூத்த உதவியாளர் ஸ்டீபன் லம்பார்ட் திட்டவட்டமாக மறுத்துள்ளதாக தி டைம்ஸ் பத்திரிக்கை தெரிவித்துள்ளது. பிரிட்டிஷ் சண்டே பத்திரிக்கைச்செய்தியில் உண்மையில்லை. இச் செய்தி தொடர்பான செய்திகளை ஆராய்ந்து வெளியிட வேண்டும் என்று லம்பார்ட் கூறியதாக டைம்ஸ் பத்திரிக்கை கூறியுள்ளது.

பிரிட்டிஷ் சண்டே வெளியிட்ட செய்தி குறித்து பத்திரிக்கைப் புகார் கமிஷனுக்கு லம்பார்ட் கடிதம் எழுதியுள்ளதாகவும் டைம்ஸ் பத்திரிக்கை தெரிவித்துள்ளது.