தமிழகத்தில் இன்று
மாருதி ஸென் டீசல் காரின் விலை குறைகிறது
டெல்லி:
மாருதி உத்யோக் நிறுவனம் தனது மாருதி ஸென் டீசல் காரின் விலையைக் குறைக்க முடிவு செய்துள்ளது. கார் விற்பனையை அதிகரிக்க இம் முடிவுமேற்கொள்ளப்பட்டுள்ளதாக அந் நிறுவன அதிகாரிகள் தெரிவித்தனர்.
மாருதி நிறுவனம், டீசல் சக்தியில் இயங்கும் முதல் காரான ஸென்-டி வகைக் காரை 1998-ம் ஆண்டு அறிமுகப்படுத்தப்பட்டது. உயர் சக்தி கொண்டதாகஇருந்தாலும் அதன் விலை ரூ. 4.5 லட்சமாக இருந்ததை அடுத்து விற்பனை குறைவாக இருந்தது.
இதையடுத்து ஸென்-டி காரின் விலை ரூ.3.63 லட்சமாகக் குறைக்கப்பட்டது. ஆனால் தற்போது ஸென்-டி கார் ரூ.3.87 லட்சத்துக்கு விற்கப்படுகிறது.
இந் நிலையில், ஸென்-டி காரின் விற்பனையை மேலும் அதிகரிக்கவும், காரின் விலையைக் குறைக்கவும் மாருதி உத்யோக் நிறுவனம் முடிவு செய்துள்ளது.
காரின் விலையில் எவ்வளவு குறைப்பது என்பது இன்னும் முடிவு செய்யப்படவில்லை. குறைந்தது ரூ.15 ஆயிரம் அளவுக்கு விலை குறையும் என்று அந் நிறுவனஅதிகாரிகள் தெரிவித்தனர்.
ஏற்கெனவே மாருதி கார்களின் விற்பனையை அதிகரிப்பதற்காக மாருதி-800, ஆம்னி, வேகன்-ஆர் ஆகிய கார்களின் விலையை மாருதி உத்யோக்நிறுவனம் குறைத்துள்ளது என்பது குறிப்பிடத்தக்கது.
யு.என்.ஐ.