தமிழகத்தில் இன்று

"நடிகர் சங்கத்துக்கு தமிழக அரசு உதவக்கூடாது"

கோவை:

தென்னிந்திய திரைப்பட நடிகர்கள் சங்கத்துக்குத் தமிழக அரசு நிதியுதவி அளிக்கக்கூடாது என கோவை மாவட்ட நுகர்வோர் சங்கம் எதிர்ப்புத் தெரிவித்துள்ளது.

இது தொடர்பாக அச் சங்கத்தின் செயலர் கதிர்மதியோன் வெளியிட்ட அறிக்கை:

தென்னிந்திய திரைப்பட நடிகர்கள் சங்கத்துக்கு ரூ. 2.5 கோடி கடன் உள்ளது. இந்தகடனை அடைக்க ரூ.1.5 கோடி தருவதாக முதல்வர் கருணாநிதி 5 ஆண்டுகளுக்குமுன் அறிவித்தார்.

இன்றுவரை அதிர்ஷ்டவசமாக அப் பணம் நடிகர் சங்கத்துக்கு வழங்கப்படவில்லை.பணத்தை உடனே வழங்கும்படி தமிழக அரசை தென்னிந்திய திரைப்பட நடிகர்கள்சங்கம் வலியுறுத்தி வருகிறது.

தென்னிந்திய திரைப்பட நடிகர்கள் சங்கம் பட்டுள்ள கடனை அடைக்க முதல்வர்கருணாநிதி உதவக்கூடாது என்றார் கதிர்மதியோன்.

இது தொடர்பான மனுக்களை முதல்வருக்கும், தலைமைச் செயலருக்கும் அவர்அனுப்பியுள்ளார்.