• search
For Quick Alerts
ALLOW NOTIFICATIONS  
For Daily Alerts

தமிழகத்தில் இன்று

By Staff
|

கே: கேட்டவுடன் 24 மணி நேரத்தில் மின் இணைப்பு வழங்கப்படும் என்று ஆர்க்காடு வீராசாமிகூறியுள்ளது குறித்து...?

ப: மன்னிக்கவும். வழங்கப்பட இருப்பது மின்சார இணைப்புதானே தவிர - மின்சாரம் அல்ல. அது வரும், போகும். வந்தால் வரும், போனால்போகும்... சொல்ல முடியாது.

கே; பந்த் நடத்தியதற்காக, மார்க்சிஸ்ட் கம்யூனிஸ்ட் கட்சியின் அங்கீகாரத்தை ரத்து செய்வதாக - தேர்தல் கமிஷன் கூறுவது சட்டப்படி சரியா?

ப: தேர்தல் கமிஷனை இவ் விஷயத்தில் முடுக்கியுள்ளது நீதிமன்றம். அதனால் இதற்குத் தீர்வை நீதிமன்றத்தில்தான் தேட வேண்டும்.தேர்தல் கமிஷனைமுறைப்பதில் அர்த்தமில்லை.

கே: இந்திய அரசியல் கட்சிகளை எத்தனை வகைகளாகப் பிரிக்கலாம்?

ப: இரண்டு வகைகள். ஊழல் செய்கிற கட்சிகள்; ஊழல் செய்ய வாய்ப்பில்லாத கட்சிகள்.

கே: சில கட்சித் தலைவர்களின் பெயர்களின் இறுதியில் "ஆர்" விகுதி சேர்த்து அவர்களது அபிமானிகள் அழைப்பது போல், எங்கள் அபிமானத்துக்குரியஉங்களை சோ ராமசாமியார் என்று அழைப்பதில் உங்களுக்கு ஆட்சேபணை இல்லையே?

ப: மரியாதை தருகிறோம் என்று சொல்லிக் கொண்டு சோர் என்று அழைக்காத வரையில், திருப்தி.

கே: மனிதனுக்கும்,மிருகத்துக்கும் ஆறாவது அறிவைத் தவிர வேறு அடிப்படை வித்தியாசம் என்ன?

ப: மிருகம் பசித்தால்தான் இரை தேடும். மனிதன் இந்த மாதிரி வரைமுறைகளுக்கெல்லாம் அப்பாற்பட்டவன்.

கே: இலங்கை அரசின் ஏஜெண்டாக ஜெயலலிதா செயல்படுகிறார் என்ற நெடுமாறனின் விமர்சனம் பற்றி...?

ப: இலங்கை அரசின் ஏஜென்டாக செயல்பட்ட பெருமை விடுதலைப் புலிகளுடையது. அதனால் அந்த இடத்துக்கு ஜெயலலிதா போட்டியிட முடியாது,. இலங்கைஅரசின் ஏஜெண்டின், ஏஜெண்டுகளாக இங்கே உழைப்பவர்கள் இதைப் புரிந்து கொள்ள வேண்டும்.

கே: 2006-ல் தமிழகத்தில் ஆட்சியைப் பிடிப்போம்; 2001-ல் இரண்டாவது இடத்தைப் பிடிப்போம் என்று டாக்டர் ராமதாஸ் கூறி வருவது பற்றி...?

ப: 2001-லும், 2006-லும் பா.ம.க. ஜெயிக்கப் போகிறதோ இல்லையோ, 2000-த்தில் அக் கட்சிக்கு பைத்தியம் பிடித்திருக்கிறது.

கே: அடுத்த முதல்வர் ஆணா? பெண்ணா?

ப: எந்த முதல்வர் வந்தாலும், சில சமயங்களில் ஆணாகவும், சில சமயங்களில் பெண்ணாகவும்தான் செயல்படப் போகிறார். ஆகையால் அடுத்த முதல்வர்மட்டுமல்ல, எந்த முதல்வருமே - அர்த்தநாரீஸ்வரர்தான்.

கே: மின்சாரத் துறையை தனியார்மயமாக்கும் திட்டத்தை ஆதரிக்கிறீர்களா?

ப: ஆதரிக்கிறேன். இப்போது உள்ள பொறுப்பின்மை அகல, இது வழி செய்யும் என்று நம்புகிறேன்.

கே: இந்தியாவுக்கு ஜனநாயகம் தேவையில்லை என்று எப்போதாவது நினைப்பதுண்டா?

ப: அவ்வப்போது.

கே:மாநிலங்களுக்கு இப்போது நடைமுறையில் உள்ள அதிகாரம் போதுமானது என்று நினைக்கிறீர்களா?

ப: நிதி விஷயத்தில் மட்டும் கூடுதல் உரிமைகள் அளிக்கப்பட்டு, மற்றபடி இப்போதுள்ள ஏற்பாடே போதுமானது என்று நினைக்கிறேன்.

கே: ஒரு பத்திரிக்கை ஆரம்பிக்க தகுதி எதுவும் வேண்டாம்தானே? ( நான் உங்களை மனதில் வைத்துக்கொண்டு இதைக் கேட்கவில்லை)

ப: நானும் என்னை மனதில் வைத்துக் கொண்டு இந்த பதிலைச் சொல்லவில்லை. - ஒரு தகுதியும் வேண்டாம். தைரியமாக இறங்குங்கள்

கே: பாலங்கள் நகராக சென்னை நகரை மாற்றி அமைத்து விட்டார் என்று ஸ்டாலினை நாஞ்சில் மனோகரன் பாராட்டியுள்ளது பற்றி...?

ப: கிண்டல் செய்திருக்கிறார். எல்லாம் பாலமாகிவிட்டது, தெருக்களே காணோம்! என்று சொல்லியிருக்கிறார். பாராட்டா இது.

கே: இலங்கை கோரினால் ஆயுத உதவி பற்றி பரீசிலிக்க வேண்டும் என்று காங்கிரஸ் கட்சியின் மூத்த தலைவர் நட்வர் சிங் கூறியுள்ளாரே...?

ப: இலங்கைப் பிரச்சனையில், காங்கிரஸ் கட்சிக்கு இருக்கிற தெளிவு, பா.ஜ.க.வுக்கு நிச்சயமாக இல்லை.

கே: அதிக காலம் ஓய்வெடுத்து விட்டோம். இனி சுறுசுறுப்பாக செயல்படுவோம் என்று கட்சித் தொண்டர்களுக்கு, தமிழக காங்கிரஸ் தலைவர்இளங்கோவன் வேண்டுகோள் விடுத்துள்ளாரே?

ப: தூக்க கலக்கத்தில் கொஞ்சம் விழித்துக் கொண்டு மீண்டும் தூங்குவதற்கு முன், காங்கிரஸ் பேசுகிற பேச்சு இது. ஒரு மாதிரியாகத்தான் இருக்கும்.

கே: இப்பொழுது நாட்டில் நடக்கும் அக்கிரமங்களை பார்த்தால், இன்னொரு சுதந்திரப் போராட்டம் நடத்தவேண்டும் போல் எனக்குத் தோன்றுகிறது.உங்களுக்கு...?

ப: எனக்கு அப்படித் தோன்றவில்லை. முதல் சுதந்திரப் போராட்டத்தினால் விளைந்துள்ள பயனைப் பார்க்கும்போது, சுதந்திரப் போராட்டத்தில்நம்பிக்கை வரமாட்டேன் என்கிறது.

கே: வரும் தேர்தலில் தி.மு.க.வுடன் த.மா.கா. கூட்டணி வைத்துக் கொள்வதற்கான வாய்ப்பு உள்ளதா?

ப: இதற்கு வாய்ப்பே கிடையாது என்று அடித்துச் சொல்லும் நிலையில் நமது அரசியல் இல்லை.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more