தமிழகத்தில் இன்று

அமெரிக்க நாடாளுமன்றத்தில் உரையாற்றுகிறார் வாஜ்பாய்

வாஷிங்டன்:

இந்திய ஆதரவு எம்.பிக்கள் நெருக்குதலுக்குப் பணிந்தார் அமெரிக்க நாடாளுமன்றசபாநாயகர் டென்னிஸ் ஹாஸ்டர்ட். பிரதமர் வாஜ்பாய், அமெரிக்காவுக்கு வரும்போதுநாடாளுமன்றத்தில் பேச அழைப்பு விடுக்க ஹாஸ்டர்ட் ஒப்புக் கொண்டுள்ளார்.

செப்டம்பர் மாதம் பிரதமர் வாஜ்பாய் அமெரிக்காவில் சுற்றுப்பயணம்மேற்கொள்ளவுள்ளார். அந்த சமயத்தில் அவர் அமெரிக்க நாடாளுமன்றத்தில் உரைநிகழ்த்துவார்.

நாடாளுமன்றத்தின் இரு சபைகளான காங்கிரஸின் சபாநாயகராக ஹாஸ்டர்ட் உள்ளார்.அவரும் செனட் சபையின் சபாநாயகரான டிரென்ட் லாட்டும் இணைந்து வெளியிட்டகூட்டறிக்கையில், செப்டம்பர் 14-ம் தேதி காங்கிரஸ் சபையில், வாஜ்பாய் உரைநிகழ்த்துவார். இதுதொடர்பான அழைப்பு வாஜ்பாய்க்கு ஏற்கனவே அனுப்பப்பட்டுவிட்டது.

அமெரிக்காவின் முக்கிய நண்பர்களில் ஒன்று இந்தியா. அரசியல், பொருளாதாரரீதியில் அமெரிக்காவின் நெருங்கிய தோழனாக இந்தியா உள்ளது என்று அவர்கள்கூறியுள்ளனர்.

செப்டம்பர் 14 முதல் 17-ம் தேதி வரை வாஜ்பாய் அமெரிக்காவில் சுற்றுப்பயணம்செய்கிறார். அமெரிக்காவிலுள்ள இந்தியஆதரவு எம்.பிக்களின் கடும் நெருக்குதல்காரணமாகவே பிரதமர் வாஜ்பாய் உரையாற்ற காங்கிரஸ் சபாநாயகர் சம்மதம்தெரிவித்துள்ளதாகக் கூறப்படுகிறது.

ஐ.ஏ.என்.எஸ்.