தமிழகத்தில் இன்று

தேர்தல் உத்தி குறித்து அமைச்சர்களுடன் கருணாநிதி ஆலோசனை

சென்னை:

தமிழக சட்டப் பேரவைக்கு விரைவில் நடைபெற உள்ள தேர்தல் குறித்து

அமைச்சர்கள் மற்றும் திமுக மாவட்டத் தலைவர்களுடன் முதல்வர் கருணாநிதிஞாயிற்றுக்கிழமை தீவிர ஆலோசனை நடத்தினார்.

தமிழக சட்டப்பேரவைக்கு அடுத்த ஆண்டு மார்ச் அல்லது ஏப்ரல் மாதம் தேர்தல்நடைபெறும் என்று தேர்தல் கமிஷன் அறிவித்துள்ளது. இதையடுத்து தமிழகத்தில்உள்ள பல்வேறு அரசியல் கட்சிகள் தேர்தலைச் சந்திப்பதற்கான ஆயத்தப் பணிகளைமேற்கொண்டுள்ளன.

எந்தெந்த கட்சிகளுடன் கூட்டணி வைத்துக் கொள்ளலாம் என்ற தீவிர

ஆலோசனையில் அரசியல் கட்சிகள் ஈடுபட்டுள்ளன. இந் நிலையில், முதல்வரும்திமுக தலைவருமான கருணாநிதி தலைமையில் அமைச்சர்கள் மற்றும் திமுக மாவட்டச்செயலாளர்கள் ஆலோசனைக் கூட்டம் தேனாம்பேட்டையில் உள்ள அண்ணாஅறிவாலயத்தில் ஞாயிற்றுக்கிழமை நடைபெற்றது.

கட்சியின் பொதுச் செயலாளரும், கல்வி அமைச்சருமான க. அன்பழகன் முன்னிலைவகித்தார். சமீபத்தில் நடந்து முடிந்த உள்ளாட்சி இடைத் தேர்தல் முடிவுகள் குறித்தும்,கட்சி வளர்ச்சிப் பணிகள் குறித்தும் இக் கூட்டத்தில் ஆலோசனை நடத்தப்பட்டது.

தவிர, வர இருக்கிற தமிழக சட்டப்பேரவைத் தேர்தலை எவ்வாறு சந்திப்பது, எந்தெந்தகட்சிகளுடன் கூட்டணி வைத்துக் கொள்வது என்பது குறித்தும் ஆலோசனைநடத்தப்பட்டது.

தமிழகத்தில் திமுக ஆட்சிக்கு மக்களிடையே நிலவும் கருத்துக்கள், திமுகவுக்கு உள்ளவெற்றி வாய்ப்புகள், கூட்டணி வாய்ப்புகள் ஆகியவை பற்றி மாவட்டச்செயலர்களிடம் கருணாநிதி கேட்டறிந்தார்.

தேர்தல் கூட்டணி குறித்தும், தங்கள் தொகுதிகளில் திமுகவுக்கு உள்ள வெற்றிவாய்ப்புகள் குறித்தும் அமைச்சர்களும், மாவட்டச் செயலாளர்களும் முதல்வரிடம்எடுத்துரைத்தனர். வரும் சட்டப் பேரவைத் தேர்தலில் வாக்காளர் புகைப்படஅடையாள அட்டை கட்டாயமாக்கப்பட்டள்ளது.

ஆகவே, திமுக உறுப்பினர்கள் அனைவருக்கும் அடையாள அட்டை கிடைக்கமாவட்டச் செயலாளர்கள் உள்ள கட்சி நிர்வாகிகள் கவனம் செலுத்தவேண்டும் என்றும்அடையாள அட்டை கிடைக்காத மக்களுக்கு அடையாள அட்டை கிடைக்க திமுகபிரகர்கள் உதவி செய்ய வேண்டும் என்றும் கேட்டுக் கொள்ளப்பட்டது.

சுமார் இரண்டரை மணி நேரம் இந்த ஆலோசனைக் கூட்டம் நடைபெற்றது. இக்கூட்டத்துக்குப் பிறகு கட்சியின் பொருளாளரும், மின்துறை அமைச்சருமான ஆர்க்காடுவீராசாமி தனியாக மாவட்டச் செயலாளர்களுடன் ஆலோசனை நடத்தினார்.