தமிழகத்தில் இன்று

பெங்களூர் கேபிள் டிவிகளில் தமிழ் சேனல்கள் துண்டிப்பு

பெங்களூர்:

நடிகர் ராஜ்குமார் கடத்தப்பட்ட நிலையில், பெங்களூரில், கேபிள் டிவிகளில் தமிழ் சானல்கள் துண்டிக்கப்பட்டன.

வீரப்பன் கும்பலால் ராஜ்குமார் கடத்தப்பட்ட தகவல் திங்கள்கிழமை கர்நாடகா முழுவதும் பரவியது. இதையடுத்து பெங்களூர், மைசூர், மண்டியா,ஷிமோகா, சாம்ராஜ்நகர் ஆகிய மாவட்டங்களில் வன்முறை மூண்டது. ஆங்காங்கே தமிழர்களின் கடைகள் மீது தாக்குதலும் நடந்து வருகிறது.

பெங்களூர் நகரில் சன் டி.வி, ராஜ் டிவி, விஜய் டிவி உள்ளிட்ட அனைத்து தமிழ் சானல்களின் இணைப்புகளையும் சானல் டிவிகாரர்கள் முன் எச்சரிக்கையாக துண்டித்தனர்.

அனைத்து கன்னட சானல்களிலும் டாக்டர் ராஜ்குமாரின் பாடலகளும், படங்களும் ஒளிபரப்பப்பட்டு வருகினறன.