இன்டர்நெட் மூலம் உலகக் கோப்பைக் கிரிக்கெட் டிக்கெட் விற்பனை

ஜோஹன்னஸ்பர்க்:

தென் ஆப்பிரிக்காவில் 2003-ம் ஆண்டு நடைபெறவுள்ள உலகக் கோப்பைக்கிரிக்கெட் போட்டிக்கான டிக்கெட்டுகளை இன்டர்நெட் மூலம் பதிவு செய்து கொள்ளவசதி செய்யப்படவுள்ளது.

போட்டிக் குழுவின் இயக்குநர் அலி பேச்சர் இதுகுறித்து ஜோஹன்னஸ்பர்க் நகரில்நிருபர்களிடம் கூறுகையில், தென் ஆப்பிரிக்காவின் 5 ரான்ட் தொகைலியிலிருந்து 7மில்லியன் தொகை வரையிலான டிக்கெட்டுகளை இன்டர்நெட் மூலம் முன்பதிவுசெய்து கொள்ளலாம். இதற்கான ஏற்பாடுகளை செய்ய 16 மாதம் பிடிக்கும் என்றுஎதிர்பார்க்கிறோம்.

இதற்கான முன்னோட்டம், ஆஸ்திரேலிய கிரிக்கெட் அணி, தென் ஆப்பிரிக்காவிற்குவரும்போது மேற்கொள்ளப்படும்.

உலகின் எந்தப் பகுதியிலிருந்தும் டிக்கெட்டை முன்பதிவு செய்ய இதன் மூலம் வசதிசெய்யப்படும். போட்டி நடக்கும் இடங்கள், அங்குள்ள இடவசதி, டிக்கெட் விவரங்கள்மற்றும் முன்பதிவு ஆகியவை குறித்த தகவல்கள் இன்டர்நெட் தளத்தில் இடம்பெற்றிருக்கும் என்றார் அவர்.

ஐ.ஏ.என்.எஸ்.