• search

ஒலிம்பிக் செல்லும் இந்திய வீரர், வீராங்கனைகள்

By Staff
FOLLOW ONEINDIA TAMIL ON
For Quick Alerts
ALLOW NOTIFICATIONS
For Daily Alerts

    கே: எனக்கு பொது மன்னிப்பு வேண்டாம். நான் சரண் அடையவும் மாட்டேன் என்று கூறும் வீரப்பன் பற்றி தங்கள் கருத்து என்ன?

    ப: பொதுமன்னிப்பு வேண்டாம் என்று அவன் கூறுவது, பொது மக்கள் பார்வைக்கு. அரசு பார்வைக்கு என்ன கூறியிருக்கிறான் என்பதுதான் முக்கியம்என்பதால், மக்களுக்கு அது தெரிவிக்கப்பட மாட்டாது.

    கே: சந்தனக் கடத்தல் வீரப்பனின் தமிழ் மொழிப் பற்று பற்றி தங்கள் கருத்து என்ன?

    ப: நூற்றுக்கு மேற்பட்ட தமிழர்களைக் கொன்றும் கூட, தீர்ந்து போகாத இந்த தமிழ்ப் பற்று முதல்வரின் பாராட்டுக்குரியதுதான் சந்தேகமில்லை.

    கே: காலத்தின் கட்டாயத்தால், ஒரு வேளை தமிழகத்தின் அடுத்த முதல்வர் நீங்களானால்...?

    ப: வீரப்பனிடம் பரிவு காட்டாத அரசு அமைய, வேறு வழியே உங்களுக்குத் தெரியவில்லையா?

    கே; ஹிந்து கோயில்களைத் தனியார் வசம் ஒப்படைக்க வேண்டும் என்ற இல.கணேசனின் கருத்து சரியா?

    ப: அரசு துறையைச் சார்நதவர்கள் நடந்து கொள்ளும் விதத்தைப் பார்க்கும் போது - இந்தக் கருத்து சரியானதுதான் என்ற எண்ணமே எனக்குஏற்படுகிறது.

    கே: உங்களுக்குப் பிடித்த தானம்?

    ப: சந்தானம். திருச்சியில் இருந்தார். நல்ல மனிதர்.பண்பாளர்.

    கே: ஆசிர்யர்களுக்கு போனஸ், அரசு ஊழியர்களின் கோரிக்கைகள் நிறைவேற்றப்படும் - என அறிவிக்கிறாரே முதல்வர் கருணாநிதி, எதனால்?

    ப: தேர்தல் வரப்போவது உங்களுக்குத் தெரியாமல் இருக்கலாம். முதல்வருக்குத் தெரியாமற் போகுமா?ஓட்டுச் சாவடிகளில் பணிபுரியப் போவதுஅவர்கள் அல்லவா?

    கே: நவம்பர் ஒன்றில் ஜார்கண்ட், சட்டீஸ்கர், உத்தராஞ்சல் போன்ற மூன்று புதிய மாநிலங்கள் உதயமாவது குறித்து...?

    ப: நல்லதல்ல. மேலும் பல இடங்களில் இம்மாதிரி கோரிக்கைகள் எழ இது வழி செய்யும். குறுகிய நோக்கங்களும், ஜாதி, மொழி வேற்றுமைகளும்வளர இது பாதை அமைக்கும்.

    கே: ராஜ்குமார் கடத்தப்பட்டது குறித்த ஜெயலலிதாவின் அறிக்கையில், அரசு தூதரும், பத்திரிக்கை ஆசிரியருமான நக்கீரன் கோபாலை, ஒருமையில்ஏசியுள்ளது நாகரீகமான செயலா?

    ப: ஒருமையைப் பயன்படுத்தியது - அநாகரிகம்; ஏசியது - பண்பற்ற செயல். நக்கீரன் கோபால் அளித்த பதிலும் இவ்வகையானதே.

    கே: ஜெயலலிதா ஆட்சியில் சந்தனக் கடத்தல் வீரப்பனின் நடவடிக்கைக்கும், கருணாநிதி ஆட்சியில் சந்தனக் கடத்தல் வீரப்பனின் நடவடிக்கைக்கும் என்னவித்தியாசம்...?

    ப: அப்போது இவனிடம் பணிய வேண்டி இருக்கிறதே என்ற ஆதங்கம் அரசுக்கு இருந்தது, இப்போது அதுவும் இல்லை. மாறாக, பணிகிற வாய்ப்பு ஒருபெருமையாகக் கருதப்படுகிறது.

    கே; கிரிக்கெட் வீரர்களிடம் வருமான வரிச் சோதனை மூலம், ரூபாய் நான்கு கோடி பறிமுதல் செய்யப்பட்டுள்ளது பற்றி...?

    ப: பின் என்ன? நமது கிரிக்கெட் ஆட்டக்காரர்களை சோதனையிட்டால் ரன்கள் கிடைக்குமா என்ன? அது அவர்களிடம் கிடையாதே!

    கே: நாட்டிலுள்ள பல பிரச்சனைகளை திசை திருப்ப, சந்தனக் கடத்தல் வீரப்பன் மூலம் கடத்தல் நாடகத்தை மூதல்வர் கருணாநிதி நடத்தி வருகிறார் -என்று ஜெயலலிதா கடும் புகார் கூறியுள்ளது பற்றி...?

    ப: இது, கருணாநிதி நடத்துகிற நாடகம் அல்ல. வீரப்பர் தானே எழுதி, இயக்கி, நடித்து, தாயரித்து நடத்துகிற நாடகம் இது. அதில் விதூஷகர் வேடத்தைகருணாநிதிக்கு வீரப்பர் கொடுக்க, அவரும் அதை ஏற்றிருக்கிறார். அவ்வளவுதான்.

    கே: கடத்தப்பட்ட நடிகர் ராஜ்குமார் கன்னட நடிகராக இருப்பதால்தான், ரஜினிகாந்த் இவ்வளவு ஆதங்கப்பட்டு, முதல்வர் கருணாநிதியை எல்லாம் சந்தித்துமுயற்சி எடுத்து வருகிறார் என்று கூறும் மனிதர்களைப் பற்றி...?

    ப: ரஜினிகாந்த் கன்னடக்காரரே அல்ல என்பது கூட தெரியாமல், அவர் மீதுள்ள துவேஷத்தைக் கொட்டித் தீர்த்துக் கொள்கிற இவர்கள் - தமிழர்கள்மீது, கன்னட வெறியர்கள் தங்கள் கோபத்தைக் காட்டி விடாமல் இருப்பதற்காக, ரஜினிகாந்த் முன்னெச்சரிக்கையாக செய்து வரும் முயற்சிகளைஅறியாதவர்கள்.

    கே: அரசமைப்புச் சட்டத்தில் மாற்றங்கள் தேவைப்படுகிறது. ஒரு தலைமுறையால் ஏற்படுத்தப்பட்ட அரசமைப்புச்சட்டம், அடுத்து வரும் தலைமுறையைஆளக்கூடாது; ஆள முடியாது - என்று சுப்ரீம் கோர்ட் முன்னாள் நீதிபதி கிருஷ்ணய்யர் கூறியுள்ளதை ஏற்றுக் கொள்கிறீர்களா?

    ப இல்லை. முந்தைய தலைமுறைகளைச் சார்ந்தவர்கள் கருத்து, இன்றைய தலைமுறையினருக்குப் பொருந்தாது - என்ற அவருடைய வாதப்படியே, அவருடையபழைய தலைமுறைக் கருத்து, இன்றைய புதிய தலைமுறையில் ஒத்து வராது.

    கே: காஷ்மீர் தீவிரவாதிகளுடனான அமைதிப் பேச்சு வார்த்தையை, மத்திய அரசு தவறு விட்டு விட்டதாகக் கருதபவர்களைப் பற்றி...?

    ப: அவசரப்பட்டு பேச்சு வார்த்தையில் இறங்கியதுதான் தவறு; அந்த அவசர முயற்சி முறிந்ததற்குக் காரணம் தீவிரவாதிகள், பாகிஸ்தான் உறவேதவிர, மத்திய அரசு அல்ல.

    கே: இதுவரை ஆறு லட்சம் மக்களுக்காகப் பாடுபட்டேன். இப்போது ஆறு கோடி தமிழ் மக்களுக்காகப் பாடுபடுகிறேன்- என்று வீரப்பன்கூறுகிறானே?

    ப: போதாது. 100 கோடி இந்தியர்களுக்காகப் பாடுபட வேண்டும் என்று தீர்மானித்து, டெல்லிக்குப் பக்கத்தில் ஏதாவது காட்டுக்குப் போய்விட்டால் நல்லது,

    பொருத்தமான வரன் தேடுகிறீர்களா? தமிழ்மேட்ரிமோனியில் பதிவு இலவசம்!

    நாள் முழுவதும் oneindia
    செய்திகளை உடனுக்குடன் பெற

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more