கார் விபத்து: தப்பினார் குமரி அனந்தன்

சென்னை:

தமிழ்நாடு காங்கிரஸ் கட்சியின் முன்னாள் தலைவர் குமரி அனந்தன் கார் விபத்தில் உயிர் தப்பினார்.

பல்வேறு நிகழ்ச்சிகளில் கலந்து கொள்வதற்காக சென்னையில் இருந்து அவர் கோவை சென்றிருந்தார்.

கோவை தமிழ்நாடு ஹோட்டலில் தங்குவதற்காக காரில் சென்று கொண்டிருந்தார். கோவை டாக்டர் நஞ்சப்பா ரோட்டில் கார்சென்று கொண்டிருந்த பொழுது பின்னால் வந்த ஜீப், கார் மீது மோதியது.

இதில் காரின் பின்பகுதி சேதம் அடைந்தது. இந்த விபத்தில் காரில் இருந்த குமரி அனந்தன் லேசான காயத்தோடு உயிர் தப்பினார்.