யு.எஸ். ஓபன்: கால் இறுதியில் சாம்ப்ராஸ், ஹிங்கிஸ், தேவன்போர்ட், செரீனா...

நியுயார்க்:

நியுயார்க்கில் நடைபெற்று வரும் அமெரிக்க ஓபன் டென்னிஸ் போட்டியின் கால்இறுதியில் விளையாட ஆண்கள் பிரிவில் பீட் சாம்ப்ராஸ், ஹெவிட், பெண்கள் பிரிவில்மார்ட்டினா ஹிங்கிஸ், தேவன்போர்ட், செரீனா வில்லியம்ஸ் ஆகியோர் தகுதிபெற்றுள்ளனர்.

திங்கள்கிழமை நடந்த 4-வது சுற்று ஆட்டத்தில் யுங்-டெய்க் லீயை 7-6, 6-2, 6-4 என்றசெட் கணக்கில் பீட் சாம்ப்ராஸ் தோற்கடித்து கால் இறுதிக்கு முன்னேறினார்.

இந்த ஆண்டு அமெரிக்க ஓபன் டென்னிஸ் பட்டத்தை சாம்ப்ராஸ் வென்றால் அதுஅவருக்கு 14-வது கிராண்ட் ஸ்லாம் பட்டமாகும். இதுவரை யாரும் 14 கிராண்ட்ஸ்லாம் பட்டங்களை வென்றதில்லை.

அப்படி இந்த ஆண்டு சாம்ப்ராஸ் பட்டம் வென்றால் அது புதிய சாதனையாகும். கால்இறுதிக்கு முன்னேறியுள்ளதன் மூலம் சாதனை இலக்கை சாம்ப்ராஸ் நெருங்கியுள்ளார்.

லெய்டான் ஹெவிட் 6-3, 6-2, 6-4 என்ற செட் கணக்கில் தாமஸ் என்குவிஸ்டையும்,அர்னாடு கிளெமென்ட் 3-6, 6-2, 6-1, 7-6 (7-5) என்ற செட் கணக்கில் ஆன்ட்ரீபாவெல்லையும், ரிச்சர்டு கிராஜிசெக் 7-6 (13-11), 6-4, 6-1 என்ற செட் கணக்கில்டொமினிக் ர்பாடியையும் தோற்கடித்து கால் இறுதிக்கு முன்னேறினர்.

மழையின் காரணமாக ஞாயிற்றுக்கிழமை பாதியிலேயே நிறுத்தப்பட்டஆண்களுக்கான 3-வது சுற்று ஆட்டங்களில் கார்லோஸ் மோயா, டாட் மார்ட்டின்ஆகியோர் வெற்றி பெற்று 4-வது சுற்றுக்கு முன்னேறினர்.

பெண்கள் பிரிவில் மார்ட்டினா ஹிங்கிஸ், லின்ட்ஸே தேவன்போர்ட், ஆங்கே ஹூபர்,செரீனா வில்லியம்ஸ், எலீனா டெமென்டீவா ஆகியோர் 4-வது சுற்றில் வெற்றி பெற்றுகால் இறுதிக்கு முன்னேறினர்.

மழையின் காரணமாக நிறுத்தப்பட்ட மார்ட்டினா ஹிங்கிஸ்-சான்ட்ரின் டெஸ்டுட்இடையேயான ஆட்டத்தில் 6-2, 6-1 என்ற செட் கணக்கில் ஹிங்கிஸ் வெற்றி பெற்றார்.

ஆங்கே ஹூபருக்கு எதிரான ஆட்டத்தில் மேரி பியர்ஸ் காயமடைந்து விலகியதைஅடுத்து கால் இறுதிக்கு ஹூபர் தகுதி பெற்றார்.