கோவையில் தொலைத்தொடர்புச் சேவை செயலிழந்தது

கோவை:

தொலைத் தொடர்பு ஊழியர்கள் வேலை நிறுத்தத்தைத் தொடர்ந்து கோவை மற்றும்நீலகிரியில் தொலைத் தொடர்பு சேவைகள் பாதிப்படைந்தன.

இன்டர்நெட் சேவை மிகவும் பாதிப்படைந்தது. தொலைத் தொடர்புத் துறையை தனிநிறுவனமாக்குவதை எதிர்த்தும், நீண்ட தூர தொலைத் தொடர்பு சேவையில் தனியார்துறையை அனுமதிப்பதை எதிர்த்தும் தொலைத் தொடர்பு ஊழியர்கள் வேலைநிறுத்தத்தில் ஈடுபட்டு வருகின்றனர்.

போராட்டம் தீவிரமடைந்துள்ளதைத் தொடர்ந்து, கோவையில் இன்டர்நெட் மற்றும்தொலைத் தொடர்பு வசதி முற்றிலும் பாதிப்படைந்தது.

வி.எஸ்.என்.எல். நிறுவன ஊழியர்களும் இந்த தொலைத் தொடர்பு ஊழியர்களுக்குஆதரவாகப் போராட்டத்தில் குதித்திருப்பதால், இன்டர்நெட் இணைப்புகள்அனைத்தும் செயலிழந்தன. இதனால் கோவையில் உள்ள இன்டர்நெட் மையங்கள்பாதிப்படைந்தன.