இந்தியாவில் கண் வைக்கிறார் பில் கேட்ஸ்

டெல்லி:

உலகில் மிகச் சிறந்த சாப்ட்வேர் நிறுவனமான மைக்ரோசாப்ட் நிறுவனத்தின் தலைவர் பில் கேட்ஸ் வரும் புதன்கிழமை இந்தியா வருகிறார்.

மைக்ரோசாப்ட் நிறுவனத்தின் கிளை நிறுவனமான மைக்ரோசாப்ட் இந்தியா நிறுவனத்தின் 10-வது ஆண்டு விழா இந்த வாரம்கொண்டாடப்படவுள்ளது.

அந்த கொண்டாட்டத்தின் ஒரு பகுதியாக பில் கிளின்டன் இந்தியா வருகிறார். பில் கேட்ஸின் இப் பயணம் இந்திய சாப்ட்வேர் துறை வளர்ச்சிக்கு மிகவும்பயனுள்ளதாக அமையும் என்று எதிர்பார்க்கப்படுகிறது.

சமீபகாலமாக சாப்ட்வேர் துறையில் வேகமான வளர்ச்சியையும், முன்னேற்றத்தையும் இந்தியா பெற்று வருகிறது. இதைக் கருத்தில் கொண்டுதான் பில்கேட்ஸ் இந்தியா வருகிறார் என்று சாப்ட்வேர் நிபுணர்கள் கருத்து தெரிவித்துள்ளனர்.

இந்தியா வரும் பில் கேட்ஸ், இங்குள்ள சில சாப்ட்வேர் நிறுவனத் தலைவர்களையும், அரசு உயர் அதிகாரிகளையும் சந்தித்துப் பேசுவார் என்றுஎதிர்பார்க்கப்படுகிறது.

பில் கேட்ஸ் இந்தியா வருவது அவரது மைக்ரோசாப்ட் நிறுவனத்துக்கும், இந்தியாவுக்கும் பரஸ்பர பயனைத் தரும் என்றும் நிபுணர்கள் தெரிவித்தனர்.

இந்தியப் பிரதமர் வாஜ்பாய் தற்போது அமெரிக்காவில் சுற்றுப்பயணம் மேற்கொண்டு வருகிறார். இதனால், வாஜ்பாயை பில் கேட்ஸ் சந்திக்கமுடியாமல் போனது துரதிருஷ்டவசமானது. இல்லையென்றால் வாஜ்பாயை பில் கேட்ஸ் நிச்சயம் சந்தித்திருப்பார் என்று மைக்ரோசாப்ட் இந்தியா நிறுவனஅதிகாரிகள் தெரிவித்தனர்.

இந்தியாவில் மைக்ரோசாப்ட் நிறுவனம் நன்றாகச் செயல்பட்டு வருகிறது. சாப்ட்வேர் துறையில் ஏராளமாக முதலீடு செய்யப்பட்டுள்ளது.மைக்ரோசாப்ட் இந்தியா நிறுவனத்தின் 10-வது ஆண்டு விழாவில் கலந்து கொள்ள வரும் பில் கேட்ஸின் இப் பயணம் ஒரு தொழில் முறைப்பயணமாகவே இருக்கும்.

கடந்த முறை இந்தியா வந்திருந்த பில் கேட்ஸ் இந்தியாவில் சாப்ட்வேர் வளர்ச்சி மையம் தொடங்கப்படும் என்று அறிவித்தார். மேலும், அதிகமானமுதலீடுகளையும் அவர் செய்தார்.

பில் கேட்ஸின் அறிவிப்புக்கு ஏற்ப ஹைதராபாத்தில் சாப்ட்வேர் வளர்ச்சி மையம் அமைக்கப்பட்டு வருகிறது என்பது குறிப்பிடத்தக்கது. இந்த முறையும்பில் கேட்ஸ் பயணத்தில் ஏதாவது அறிவிப்பு நிச்சயம் இருக்கும்.

கடந்த 10 ஆண்டுகளாக சிறப்பான முறையில் செயல்பட்டு வரும் மைக்ரோசாப்ட் நிறுவனம் தொடர்ந்து தனது வாடிக்கையாளர்களுக்கு சிறப்பானசேவையைத் தரும் என்று அந் நிறுவனத்தின் விற்பனைப் பிரிவு மேலாளர் பூனம் கவுல் தெரிவித்தார்.

ஐ.ஏ.என்.எஸ்.